للأديب الشاعر والسيناريست/ خالد يس الجمال 

لما برد دم العروق 

تبعد تروح عنا الحياة 

نلقي روحنا ملناش حدود 

واللي يعود مدبوح حروف 

شاربة خوف حبل السوكات 

اللي مات جوة التاريخ 

قبل الشروق أمتي نفوق 

وتحيا فينا الذكريات 

للي جاي من عهد فات 

لما صلاح كتب الصلاح 

السماح فجر لا ح 

القدس يضحك والأقصي باح 

وتاريخنا يشهد 

بأيد قوية كسبوا القضية 

ياريتها دامت 

اليوم دا راحت 

من أيدينا 

لما انشغلنا بالوعود 

م اللي يرعي واللي يحود 

وف كل دا ملناش وجود 

إلا في خيال اللي مال 

بأي حال ساب الطريق 

وف عهد حالي 

ندور نلف زي السواقي .!

ونلقي أيه .. ؟ 

أيه اللي باقي . ؟ 

صرخة طلة مش بعيد 

جوة روحنا ملقتش مطرح 

تصرخ تئن حروف جراحها 

واللي صنعها 

يوم وباعها بكاس ورقصة 

قام دبحها يوم فرحها

لحد أمتي تكتب كتابك 

حروفه خوف 

من بلاد ملهاش تاريخ 

واحنا الحضارة واحنا التاريخ 

دا احنا أمة وبلاد كتير 

في أيدينا قوة ملهاش مثيل 

ازاي نصونها ونلم روحنا مع الكبير 

سبت أصلك 

غيرت أسمك وجه يقاسمك 

اللي عمره ما كان حبيبك 

أنت سامي 

حقيقة ولا حبة أسامي 

إسرائيل مش هما هما 

اللي كانوا في الأصل أمة 

دول شتات ملموسة لمة 

يوسف وقالها 

خبا في أثارها 

وف نفسه شالها 

حمد وصلي 

أمتي السماح 

ونلم روحنا ونفوق لروحنا 

ونعرف جراحنا واللي جرحنا 

القدس تصرخ 

غزة تئن 

في أيد غريبة 

كفاية طيبة 

داسوا الكنايس 

والمعابد 

واللي عابد 

والمساجد وقت الصلاة 

لساك بتسأل عن الحياة . ؟