بقلم/نشأت البسيوني

في كل مرة نحاول نغير فيها حياتنا نكتشف ان البداية مش محتاجة قوة كبيرة ولا خطط معقدة كل اللي محتاجينه خطوة واحدة خطوة يمكن شكلها بسيط لكن تأثيرها يغير اتجاه العمر كله ساعات نقف قدام التغيير خايفين ومش عارفين نبدأ منين وننسى ان الطريق الطويل اتبنى اصلا من خطوات صغيرة كانت كلها بتهتز من الخوف زي ما احنا بنتهز دلوقتي لما ناخد الخطوة الاولى نتعلم

ان العالم مش مرعب زي ما كنا فاكرين وان الاحتمالات دايما اكتر من المخاوف وان القدرة اللي جوانا اكبر من الصمت اللي كتمه سنين كتير خطوة واحدة تكشف لنا حاجات ما كناش شايفينها تكشف ان الحياة ممكن تكون ابسط واجمل وان الحلم اللي كنا خايفين منه هو نفسه اللي هيغير شكلنا الرحلة مش سهلة صحيح بسها تستاهل كل لحظة تعب لان كل خطوة ناخدها تقربنا من نفسنا

الحقيقية تقربنا من الحلم اللي بنحارب عشانه حتى لو كانت خطوات بطيئة المهم انها بتتحرك المهم انها مش واقفة مكانها وده كفاية عشان نكمل مهما حصل ومع الوقت نفهم ان الخطوة الاولى مش اصعب خطوة الصعب اننا نفضل واقفين خايفين نبدا لكن اول ما قلبنا يتشجع ونمشي خطوة بسيطة كل حاجة بعد كده تبقى اخف لان الاحلام بتحب اللي يجرأ عليها والنجاح يحب اللي يتحرك

ناحيته حتى لو ببطء نلاقي ان حياتنا اتبنت من خطوات يمكن محدش حاسس بيها غيرنا لكنها كانت كل الفرق واحنا كمان هنكون الفرق في حياتنا لما نختار نمشي خطوة جديدة كل يوم ولو خطوة صغيرة لكنها خطوة بتفتح باب لحاجة احسن