علاء حمدي
فى إطار توجيهات الهيئة العامة للاستعلامات فى نشر الوعي المجتمعى وتعزيز الثقافة الإلكترونية لدى الشباب وبتوجيهات معالى السفير علاء يوسف رئيس الهيئة العامة للاستعلامات وبتوجيهات اللواء الدكتور تامر شمس الدين رئيس قطاع الإعلام الداخلى
عقد مجمع إعلام السويس ندوة حول الامن السيبراني والذكاء الاصطناعي حاضر فيها الاستاذ وايل المصرى مدير إدارة تكنولوجيا المعلومات بشركة بتروجت وأمين عام المنظومة البحرية المصرية والاعلامية حنان ممدوح الطيب رئيس لجنة الإعلام بالمنظومة البحرية المصرية
وافتتحت الأستاذة ماجدة عشماوى الندوة
بان الذكاء الاصطناعي هو سلاح المستقبل بين الحماية و الخطر
زمان كانت القوة في السلاح لكن النهارده القوة الحقيقية بقت في المعلومات والبيانات والتكنولوجيا
وعرفت الاعلامية حنان الطيب الأمن السيبراني هو حماية
الأجهزة والبيانات والحسابات والشبكات من الاختراق أو السرقة أو التدمير
يعني حماية موبايلك وحسابك البنكي والإيميل و صورك وشغلك
وحتى مؤسسات الدولة
وتحدث الاستاذ وايل المصرى عن أهمية الأمن السيبراني
زمان لو حد عايز يسرق بنك كان يحتاج سلاح
دلوقتي ممكن شخص يخترق بنك وهو قاعد قدام لابتوب في دولة تانية.
تخيلوا حجم الخطورة
النهارده:
الكهرباء مربوطة بأنظمة رقمية المصانع المستشفيات المطارات البنوك
واشار المصرى الى أنواع الهجمات الإلكترونية
منها اول نوع التصيد الإلكتروني
يعني خداع الضحية برسالة مزيفة.
زي رسالة بنك وهمية صفحة فيسبوك شبه الأصلية إيميل مزيف
المهاجم مش بيخترق الجهاز الأول هو
بيخترق ثقة الإنسان
ثاني نوع: الفيروسات
ودي برامج ضارة بتدخل الجهاز وتبدأ:
تسرق بيانات – تبطأ الجهاز – تمسح ملفات
ثالث نوع: برامج الفدية
وده أخطرهم حاليًا.
المخترق يقفل ملفاتك كلها ويقولك: “ادفع فلوس علشان ترجع بياناتك.”
واشار المصرى الى كيف نحمي أنفسنا؟
دلوقتي أهم نقطة . إزاي نحمي نفسنا؟
أول حاجة : كلمة السر تكون مختلفة وتحتوي على أرقام وحروف
ثاني حاجة: المصادقة الثنائية
يعني حتى لو حد عرف الباسورد لازم كود إضافي يدخل على موبايلك
ودي من أقوى وسائل الحماية
ثالث حاجة: متفتحش أي لينك مجهول أي رسالة مجهول أي ملف غريب أي إعلان مبالغ فيه
وعرف المصرى الذكاء الاصطناعي هو
قدرة الأجهزة والبرامج على التفكير والتعلم واتخاذ قرارات بشكل يشبه الإنسان
يعني الكمبيوتر بقى يقدر يفهم يحلل يتعلم يرد عليك
زي التطبيقات اللي بنستخدمها يوميًا
ترجمة جوجل المساعد الصوتي
اقتراحات تيك توك ويوتيوب
كل ده ذكاء اصطناعي
كيف يتعلم الذكاء الاصطناعي؟
الذكاء الاصطناعي بيتعلم من البيانات
كل ما ياخد بيانات أكتر يبقى أذكى أكتر وده سبب خطورة تسريب البيانات
استخدامات الذكاء الاصطناعي
في الطب : بيساعد في اكتشاف الأمراض
في التعليم : يساعد الطلاب على الفهم
في الصناعة : يشغل روبوتات ذكية
في الأمن السيبراني : يكشف الهجمات بسرعة كبيرة جدًا
واكد المصرى ان اى تكنولوجيا ليها جانب خطر ومن أخطر الحاجات يعني فيديو مزيف لشخص حقيقي لدرجة إنك ممكن متعرفش إنه مزيف وده خطر جدًا على المجتمع و الإعلام والسياسة ونوه المصرى الى العلاقة بين الأمن السيبراني والذكاء الاصطناعي دلوقتي الذكاء الاصطناعي بقى سلاح في الاتجاهين
في الحماية : يكتشف الاختراقات يحلل الهجمات يحمي الأنظمة
وفي الهجوم : يعمل رسائل نصب احترافية يصنع برمجيات خبيثة …يقلد أصوات وصور البشر المعركة الحقيقية دلوقتي مش معركة سلاح دي معركة وعي … معرفة.
