اللي نسيه نزار
دا الشـمـس ف حضـورك
تملـي بتنكسف وبتختفي
وجـمالك دا جمال ربانـي
وحـلاوة حُسنـك يوسفـي
كُل النجـوم بتـغيـر مِنـك
وبغيـرك عُمري م بكتـفي
والدنيـا بـحالـها بتـعرفـنا
وانا دايب فيكِ وتعرفـي
حوالينا العصافير بتضحك
بتغني وترقُـص وتحتفـي
قلبي لو مرة معاك قِسي
انـت وحُــضنـك بتعطِفـي
ف بُعـدك البـرد محاوطني
وقلبـك لحافـي ومعطفـي
لو يوم حَكِّمـوكي النـاس
على قلبـي قلبك مُنصفي
دا حُضنك بيتي وعرينـي
وقلبـك طبيـب وبتسعِفي
وغزلتك دواوين وقصايد
ونبض قلبك طاوع أحرُفي
واللي نسيه نزار ف حُسنك
وصفته قبل حُبك م ينطفي
وثابت على حُبـي وحُبك
وعُمـري م أغيـر مـوقفـي
متخوفة من حُبـي ليكـي
اسألي حَدسِك واستكشفي
بحبـك حُب الناس للدنيا
وبَحلف بِديني ومُصحْفي
كلماتي:
الشاعر: حليم محمود أبو العيلة
مصر
