بقلم/نشأت البسيوني 

في لحظة معينة الانسان يقف قدام نفسه ويتساءل عن كل الناس اللي دخلت حياته مين كان وجوده نعمة ومين كان عبء مين كان بيحبه بصدق ومين كان بيحبه لما كان محتاج منه حاجة بس مين كان بيقرب لقلبه ومين كان بيقرب لمصلحته وتبدأ تفتكر تفاصيل صغيرة ضحكة جات من القلب سؤال بسيط في وقت ضيق حضن صادق وقت ما كنت هتقع وتفتكر كمان الوشوش اللي اختفت اول 

ما احتجت كلمة والناس اللي كنت شايلهم وسابوك تشيل نفسك لوحدك وتفوق تفوق على حقيقة يمكن ما كنتش عايز تشوفها ان مش كل الناس اللي ضحكت لك حبتك ومش كل اللي وقف جنبك كان قصده يقف ومش كل القلوب اللي ادتها مساحة كانت تستحق المساحة دي وتراجع حياتك بعين جديدة تلاقي ناس كانت بسيطة بس وجودها كان امان وناس كانت عالية الصوت بس حضورها كان 

فارغ تلاقي شخص واحد عملك موقف يساوي مية كلمة من ناس تانية وتلاقي شخص واقف جنبك من غير ما تعمل حساب وحد تاني كنت بتحارب علشانه ومع ذلك كان بيبعد خطوة كل ما تقرب وتبدأ تتعلم ان الحب مش كلام الحب فعل وموقف وتصرف وان اللي يقف جنبك في وقتك الوحش هو ده اللي يستحق وقتك الحلو وان اللي يعرف يطبطب عليك ويفهم سكوتك ده مش حد عادي ده 

كنز ولما تفوق بجد تبدأ تحط كل حد في مكانه الصحيح تدي مساحتك للي يقدرها وتسحب قلبك من اللي استهون بيه وتقفل ابواب ما كانتش بتدخلك نور وتفتح ابواب تانية يمكن فيها ناس تستحقك اكتر تعرف انك ما خسرتش حد انت بس اكتشفت الحقيقة والحقيقة عمرها ما كانت خسارة الحقيقة دايما نجاة