رسالة إلى فخامة السيد الرئيس عبد الفتاح السيسي رئيس جمهورية مصر العربية

معالي فخامة الرئيس

تحية إجلال وتقدير لسيادتكم ولما تبذلونه من جهد لعبور هذا الوطن من أمواج التحديات الإقليمية والعالمية

نعلم حجم الحمل ونعلم أن الجيش والقيادة السياسية تحارب على كل الجبهات كي يمر الوطن بسلام

لكن يا فخامة الرئيس هناك سؤال يتردد في بيوت المصريين البسطاء ولا يجرؤ أحد على صياغته بوضوح

لماذا تأخرت المحاسبة؟

في عقود سابقة كان التقصير الوظيفي إذا لمع في الصحافة يتبعه قرار سريع. كان الهدف واضح امتصاص غضب الناس قبل أن يتحول إلى أزمة

كان مجلس النواب يستدعي وكان الوزير يحاسب علناً فكان المواطن يشعر أن هناك يد تراقب

واليوم الصورة معكوسة

اليوم الصوت لم يعد للصحافة فقط

اليوم الرأي العام كله على الطاولة المواطن هو اللي بيتكلم على السوشيال في الشارع في المواصلات

السلبيات واضحة بطء في الأداء، تراخي في المتابعة استغلال رشاوى مصالح شخصية في بعض المواقع

ومع ذلك لا نرى تغييراً سريعاً ولا محاسبة واضحة

فيكبر الإحساس عند البسيط كأن لا أحد يسمعنا

المواطن البسيط هو خط الدفاع الأول

يا فخامة الرئيس المواطن ده هو اللي صابر على الغلاء وعلى الأسعار وعلى الذبح اليومي من بعض المسؤولين عديمي الضمير

هو اللي بيقول تحيا مصر وهو بيدفع من دمه

هو اللي مستحمل عشان شايف جيش بلده بيحارب الإرهاب وبيأمن الحدود

لكنه في المقابل محتاج يحس إن الدولة شايفاه

محتاج يشوف إن فيه حساب سريع وعادل لكل من قصر أو استغل منصبه

محتاج إشارة تقول له صبرك مش رايح هدر

الرجاء

نرجو من سيادتكم النظر بعين الأب إلى المواطن البسيط

تفعيل أدوات المحاسبة والمتابعة الميدانية بعيداً عن التقارير

تجديد الدماء في المواقع التي تكررت فيها الشكاوى

لأن استمرار بعض الوجوه رغم الأخطاء يقتل الأمل ويعطي رسالة عكسية

نحن مع الدولة ومع سيادتكم ومع الاستقرار

لكن الاستقرار الحقي بيجي لما الناس تحس بالعدل

يا ريس شايفنا؟

يا فخامة الرئيس سامعنا؟

الوجع كتر وبقى باين

والناس بتسأل في البيوت هو الحساب راح فين؟

زمان كان الوزير لو قصر يطير

والصحافة لو كتبت تاني يوم يتغير

دلوقتي المواطن صوته جاب آخر الدنيا

بيصرخ في الشارع ومفيش حد سامعه

بنحارب الغلا وبنحارب الاستغلال

وبنحارب الرشوة وبنحارب المحتال

والجيش واقف على الحدود بيحمينا بالدم

واحنا مستحملين عشان البلد وعشان الهم

بس يا ريس بالله بص على الغلبان

اللي طالع عينه من كل مسؤول جبان

عايزين حساب سريع وعايزين دم جديد

عشان الأمل ميموتش وعشان العدل يزيد

احنا معاك يا ريس وفي ضهر البلد

بس ادينا إشارة إن الصابر ليه مرد

نظرة للبسيط هتطمن الملايين

وتقول إن مصر لسه بخير وفيها العدل والدين

تحيا مصر ويحيا العدل

حفظ الله مصر وحفظكم فخامة الرئيس وسدد خطاكم

بقلم الكاتب ياسر زينهم

مواطن مصري بيحب بلده