متابعه سعديه الشيبانى

نؤمن ببعض النظام ونفكر ببعض ،
مريض في العياده بسأله الاسئله المعتاده عن بعض الأمراض ال ليها تأثير علي العين
عند حضرتك سكر؟
هو : اه
بتاخد اقراص ولا انسولين
هو: لا مش مؤمن بالعلاج
يعني ايه مش مؤمن ؟
هو : انا علي نظام الطيبات يا دكتور
يعني انت كويس من غير علاج
هو : اه
عرفت ازاي حللت؟
هو: لا بس يا دكتور الاعراض اهم ؟ولا ارقام اجهزة التحليل ال مش معروف احداثياتها محطوطه بناءا علي ايه اهم؟
يعني ايه ؟؟!!!!!
هو: يعني انا حاليا وانا علي النظام وزني مثالي لياقتي زادت اضعاف رجعت امارس رياضة بدون إجهاد ولا نهجان حالتي المزاجية عاليه جدا ، هضمي ممتاز و…….. اسيب كل ده وادور علي ارقام ديجيتال ما انزل الله بها من سلطان
سردت له قصص وبالدليل عن اشخاص تضرروا كثيرا من هذا النظام ،
هو : انا لا اؤؤمن إلا بما المس وانا لمست هذا في نفسي قد يكون كذب وقد يكون أخطأ في تطبيق النظام ، ومع ذلك انا لا أؤمن بكل نظام الطيبات علي الاطلاق،حيث انني لم اجربه إلا في مرض السكر الذي لا اعاني غيره ،
هذه الجمله الاخيره ( انه يؤمن ببعض النظام ولا يؤمن ببعض )في منتهي الخطوره ، لانه قفل عليا بها كل ابواب النقاش ،وقطع بها كل سبل الاقناع ، وخاصة انني لست متخصصا في هذا المجال ولا يوجد لدي تجارب او حالات ملموسه استطيع ان ارد بها علي ارض الواقع
ما كنت اتخيل الموضوع يتسلل بيننا ويزداد بهذه الصوره
لذلك يجب علي اهل التخصص بذل الجهد في رأب هذا الصدع الخاص بصحة المجتمع