ويمكرون ويمكر الله والله خير الماكرين

ويمكرون ويمكر الله والله خير الماكرين
بقلم/نشأت البسيوني

في لحظات معينة من عمر الانسان بيحس انه محاصر من كل الجهات كان الدنيا اتقفلت ضده مرة واحدة وان كل باب كان مفتوح اتقفل فجأة وان كل وش كان مبتسم اتقلب عليه وان كل كلمة كانت بتطبطب اتحولت لسهم بيجرح وفي اللحظات دي الانسان بيتولد من جديد بس ولادة من وجع ولادة من خيبة ولادة من صدمة بتغير ترتيب القلب كله في ناس كانت فاكرة انها اعلى منك

واقوى منك وانها تقدر تتحكم في مصيرك وتحدد لك الطريق اللي تمشي فيه وتختار لك حدودك وتعيشك في مساحة ضيقة على مزاجهم كانوا شايفين انهم يقدروا يجرودك من قوتك ويحطوك في خانة الضعيف اللي ساكت اللي ما بيعترضش اللي بيتحمل اللي بيرضى بالغلط عشان ما يخسرش حد بس اللي ما يعرفوش ان الانسان اللي بيتظلم كتير ربنا بيشوفه والانسان اللي بيتكسر كل

يوم من جوا وهو ساكت ربنا بيلم كسوره واحد واحد والانسان اللي بيطعنوه وهو واقف بيبتسم ربنا بيحسب كل طعنة وكل دمعة وكل تنهيدة مكسورة محدش سامعها غيره في ناس بتبقى ماشية في الدنيا بفكرة انهم يقدروا يكسروك من غير ما حد يشوفهم يتكلموا عليك من وراك يظلموك يقولوا عليك اللي مش فيك يطفوا نورك عشان هم نورتهم ضعيفة يحاولوا يطفوا راحتك عشان هما مش

مرتاحين يشيلوا الخير من طريقك عشان جواهم ظلمة مابتنورش لكن الحقيقة اللي ما يفهموهاش ابدا ان كل حد اذاك ربنا شايله وكل حد ظلمك ربنا كاتبه وكل حد اخد حق مش حقه ربنا حافظه وكل حد افتكر انه اعلى منك ربنا فوق الكل واللي ما يعرفوش انك لما تتظلم ربنا بيعليك ولما يتكلموا عليك ربنا بيصون سمعتك ولما يكسروا قلبك ربنا بيجبر كسرك ولما يطردوك من مكان ربنا يفتح لك

الف باب ما كنتش حاططهم في حسابك وفي لحظة معينة هتعرف ان كل اللي راح كان لازم يروح وان كل اللي اتاخد كان اصلا مش ليك وان كل اللي اتقفل قدامك اتقفل عشان ربنا كان بيجهز لك حاجة اكبر واوسع وانضف وانقى بكتير من اللي كنت بتحارب علشانه وهتعرف ان ربنا عمره ما اتأخر عليك ربنا بس كان بيشيلك من وسط ناس ما تستاهلكش وبيبعدك عن قلوب سودا وبيبعدك

عن وجع كان هيهدك لو اكتمل وبيوريك حقيقة ناس كنت فاكرهم سند وفي الاخر هتبص وراك وتبتسم وتقول الحمد لله ان اللي ظلموني خلوني اقرب لربنا والحمد لله ان اللي كسروني عرفوني قيمتي والحمد لله ان اللي افتكروني ضعيف شافوا اني اقوى بكتير من توقعاتهم والحمد لله ان ربنا كان شايف وكان سامع وكان بيكتب لي الخير وانا مش واخد بالي عشان كده مافيش عنوان

يلملم كل اللي فات غير الاية اللي عمرها ما خذلت حد مظلوم ولا سابت حد موجوع ولا سمحت للغلط يدوم ويمكرون ويمكر الله والله خير الماكرين