ٱهلا رمضان شهر الغفران
بقلم / علاء بدوية

..والله وعيشناك يارمضان
والحب فى القلب بالوجدان
..والذكرى ليك فينا الوقتي
ومن أيام كانت لينا زمان
..افرحوا ياولاد غنوا يابنات
مصر فى الحي وكل مكان
..علوا الفوانيس قولوا
وحوي ياوحوي ياجدعان
..ٱهلا رمضان فى البيت فى
الشارع فى الدكاان
..وصلاة الفجر وكل الصلوات
فى المسجد نسمع للقرٱن
..صلوا قيامه ومعاكوا إمامه
وإدعوا بدعائكم للرحمن
..وموائد وطعام وشراب
ممنوع ٱيامه للحرمان
..ٱهلا رمضان شهر الرحمه
وشهر العفو والغفران
..ونهايته العيد والكل بعد
صيامه هايكون فرحاان
…(بحار غربة..ٱهلا رمضان..شهر الرحمة والغفران..والكل فيه عمره ما يحس بالحرمان)