بقلم/نشأت البسيوني

في كل مشوار مهما كان ثابت بييجي وقت تتحرك فيه الدنيا حوالينا بطريقة غير محسوبة لحظة كده من غير سابق إنذار تلاقي كل اللي فاكره ثابت مهتز وكل اللي كنت شايفه واضح بقى ضبابي وكل اللي كنت متطمن له بقى محتاج إعادة فهم من جديد اللحظة دي هي اللي بتسمى نقطة التحول اللحظة اللي مش بنختار توقيتها لكنها بتختارنا اللحظة اللي تخلي الليلة طويلة بس مليانة صحوة

وتخلي التفكير تقيل بس ضروري وتخلي القلب يرغي يقولك انه تعبان ومش ناقص بس العقل يرد يقولك لازم نقف ولازم نعيد ونفهم ونقرر من جديد نقطة التحول مش دايما بتكون انهيار ولا أزمة ممكن تكون فكرة واحدة جملة تعدي في ودنك نظرة تلمس وعيك موقف بسيط يغير اتجاهك بالكامل وأوقات كتير نكون ماشيين في طريق مش بتاعنا أصلا بس مستمرين فيه عشان

متعودين لحد ما اللحظة دي تيجي وتفوقك من الغيبوبة اللي اخترتها بإيدك الإنسان الحقيقي مش اللي حياته ماشية من غير مفاجآت لكن اللي يعرف يتعامل مع المنعطف اللي يقلب يومه ويعرف يشوف فيه فرصة مش كارثة ويعرف ياخد منه قوة مش خوف لحظة التحول دي هي اللي بتكسر الوهم اللي كنت شايله وهي اللي تكشف لك إنك تستاهل أكتر وتقدر أكتر وإنك مش مجبر

تكمل في مكان مش شبهك ولا مع حد مش فاهمك ولا في طريق مش بيشبع روحك ولا بيوسّع عقلك نقطة التحول هي اللحظة اللي تسمع فيها صوت نفسك بوضوح الصوت اللي كنت بتسجنه تحت الضغوط وتحت العادة وتحت الناس الصوت اللي يقولك إنك أعمق من اللي بتعيشه وأقوى من اللي خايف منه وأكبر من الحدود اللي حاططها لنفسك ودايما اللحظة دي بتيجي في توقيت غريب

توقيت نعتقد إنه أسوأ وقت لكنه في الحقيقة أنسب وقت لأنه الوقت اللي تكون وصلت فيه لحافة التغيير وما بقاكش محتاج تدفع نفسك دفع التغيير بيحصل لوحده لأن روحك بقت جاهزة وكل شيء جواك بيقولك كفاية وفي النهاية نقطة التحول مش حدث لكنها بداية بداية جديدة لنسخة أنت ماكنتش شايفها من نفسك نسخة أقوى وأنضج وأوضح واللي يقدر يستقبل المنعطف

مايرجعش زي ما كان أبدا لأن اللي فهم نفسه مرة ماينفعش يعيش تاني بنص وعي ولا بنص حقيقةبل لازم يعيش كامل ويكمّل الطريق اللي كان المفروض يبدأه من زمان