قصيده بعنوان
(جلابيتي كستور)
بقلمي مجاهد عبد الهادي
حلوه الجلابيه الكستور
جبهالي جدي زمان فرحة العيد
عيدك يا جامع بين الاحبه
والفرحه طاعه في صوت الاذان
يا مجمع الاحباب في كل زمان
زمان كانت الدنيا حلوه وبسيطه
صحيح كان في فقر
بس الخير كان جوه النفوس
حصيرة الجار كانت بتوصل لجاره
والأكله البسيطة كانت تكفي ميه
والسلام كان بيوصل لآخر الشارع
دايما الفرحة كانت بتعم على الجميع
على الجزار والنجار حتى بتاع المناخل
والكل واكل وشارب
وكل مهنه كان ليها لبس ودور
حتى بتاع الجلاتي كان في لبسه نزيه
صحيح كان في فقر
بس الأيد كانت في الأيد
والقلوب كانت على بعضها
وشمس الحق لو غابت كانت بتظهر بسرعة
جلابيتي كانت كستور خطوطها خضراء وبيضه
بلون الحب زي القلوب لما كنت بيضه
مليانه بالصراحه مليانه بالسعاده
مفيهاش كذب وخداع
