بقلم/نشأت البسيوني

في كل انسان مدى خاص مدى ما حدش بيشوفه ولا بيلمس حدوده غيره مدى بيتكون من احلام اتولدت في عز الهدوء ومن وجع اتخبى ورا سكوت طويل ومن لحظات كانت شكلها عادية لكنها غيرت اتجاه الروح بالكامل المدى ده هو اللي بيحرك خطوات الانسان حتى لو كان الطريق غامق وحتى لو كان المستقبل ملخبط وحتى لو كانت الدنيا بتحطه في اختبارات ما تنتهيش لان الانسان

الحقيقي ما بيمشيش برجليه بس الانسان الحقيقي بيمشي بمدى جواه مدى بيحدد هو رايح فين ورايح ليه وراح يكمل مهما حصل ولما المدى الداخلي يكبر يكبر معاه فهمه لكل حاجة حواليه يبقى شايف بعينه حاجات الناس مش بتشوفها حاسس بقيمته حتى لو محدش حس بيها عارف هو بيعمل ايه حتى لو مفيش حد صدقه ودايما واقف على ارض ثابتة حتى لو كل اللي حواليه بيتزحلقوا

في نفس النهاية المسافة اللي جوه هي اللي بتصنع المسافة اللي برا الانسان اللي مداه واسع ما بيضيقش صدره من كلام الناس وما بيقلقش من تاخير رزقه وما بيترددش قدام خطوة عارف انها صح لانه فاهم ان الكون بيستجيب لثباته مش لقلقه وبيفتح له الابواب على قد اتساع المدى اللي جواه واللي مداه ضيق كل حاجة عنده تبان اصعب كل كلمة توجعه كل موقف يعطله كل شخص يأثر عليه

لكن اللي مداه كبير مهما الدنيا اتقلت تفضل روحه اخف منه مهما الظروف ضغطت يفضل قلبه صامد مهما الخسارة وجعته يفضل واقف لان المدى الواسع بيخلي الانسان اكبر من أي سقوط واعلى من أي مقارنة واعمق من أي هزة ومهما الناس افتكروا انه بيمشي بعشوائية الحقيقة انه ماشي بخريطة محدش يعرف ملامحها غيره خريطة رسمها من انتصارات صغيرة محدش شافها وهزائم كبيرة

محدش حس بيها لكنه عداها وبقى اقوى منها سر المدى مش في المسافة اللي بتقطعها برجليك سر المدى في المسافة اللي بتقطعها جواك كل يوم كل ما تتغير كل ما تتطور كل ما تحارب حاجة جوه وتكسبها كل ما تزيد قيمتك وتزيد حكمتك وتزيد بصمتك وتعرف انك طول الوقت كنت ماشي في اتجاه واحد بس اتجاه بيكبرك وبيعليك وبيفتح لك مدى اوسع من اللي كنت متخيله