السفير الاتحادي
الشاعر نشأت سرحان الحصري
أنا مصري ابن مصري
هنا مصر
اللي يسمع اسمها
يقف لها تعظيم سلام
الإلهام والسكون
في حركة الكواكب والنجوم
والحضارة ذي النيل بتيجري
في أرضها والعلوم .
هنا مصر
اللي يسمع اسمها
يقف لها تعظيم سلام
للي عمره ما شاف تراثها
ولاشاف ناسها بعقولها الكبيرة
اللي بتتعامل مع كل شئ بحكمة
وقوة وفراسة
وحرسها وجندها اللي في دمهم التفاني
والإصرار دي عزيمة ووراثه.
هنا مصر
اللي يسمع اسمها
يقف لها تعظيم سلام
العقول فيها تاهت …انبهار
ولكل عقل صغير فكرة علي قده
قاصد إثارة
كفيف …مين ساحبه
اللعين …ومين يصدق كلام سجين
الآئيم كأنه بين الحيطان الأربعه
في سربه بيغرد
كلام تقيل …الغل في دمه.
هنا مصر
اللي يسمع اسمها
يقف تعظيم سلام
الدسيس …مين وراه وإيه همه
قول في حقه زي ماتقول
الغيرة م الوطن والفتن وردهم
أصوات رديئة…بزيئة طبعها شارد
قول كلمة حق في حقها
او تخرس كلام
هنا مصر
اللي يسمع اسمها
يقف لها تعظيم سلام .
