بقلم/نشأت البسيوني

في لحظة ما بيلاقي الإنسان نفسه قدام مرآة مش مرآة الوجه لكن مرآة الروح المرآة اللي ما تعرفش تجامل ولا تزوق ولا تخبي العيوب المرآة اللي بتظهر حقيقتك زي ما هي من غير تلاعب ولا دفاع ولا تبرير تبدأ تشوف نفسك بشكل واضح تشوف أخطائك اللي كنت بتعدي عليها بسرعة تشوف خوفك اللي كنت بتغطيه بالضحك تشوف ضعفك اللي كنت بتخبيه في عناد وتشوف رغباتك اللي كنت

بتأجلها لوقت مجهول وتشوف كل حاجة كنت بتمشي عليها من غير ما تفكر هي مناسبة ليك ولا لأ المواجهة دي مش سهلة لأنها بتاخدك لمناطق جواك عمرك ما فتحتها مناطق مليانة أسئلة ومليانة وجع ومليانة مواقف حصلت وإنت حاولت تنساها بس هي لسه ساكنة في عمقك وبتأثر على كل تصرف بتعمله من غير ما تحس
وتبدأ تسأل نفسك أسئلة صعبة ليه سكت في وقت المفروض تتكلم

ليه وافقت على حاجة ما تشبهكش ليه خفت من خطوة كانت ممكن تغير حياتك ليه فضلت ناس ما قدروش قيمتك وليه قسيت على ناس كانوا مخلصين ليك ومع كل سؤال تكتشف إن الإنسان مش ضعيف لأنه أخطأ الإنسان بيضعف لما يهرب من الحقيقة لكن أول ما يقف قدام نفسه بصدق يبدأ يتغير بجد يبدأ يتعلم يتسامح مع روحه يصلح اللي اتكسر ويرجع يبني من جديد المواجهة دي

بتصنع بدايات جديدة بداية إنك تبطل تكرر نفس الأخطاء بداية إنك تكون صادق مع نفسك بداية إنك تحط حدود واضحة مع اللي حواليك وتفهم إن قيمتك مش محتاجة موافقة من حد قيمتك موجودة فيك من غير ما تبرر ولا تشرح تلاقي إن أصعب مواجهة في الحياة هي مواجهتك لنفسك لكنها كمان أكتر مواجهة بتعلّمك وبتقويك وبتفتحلك الطريق اللي كان مقفول لأنك أخيرا شفت الحقيقة اللي كنت هربان منها وقررت تمشي بخطوات مختلفة