بقلم/نشأت البسيوني

حين يعود القلب من رحلته الأخيرة أكثر وعيا وأقل تعلقا نكتشف إن العمر كان بيحاول يقول لنا حاجات كتير واحنا كنا مشغولين بالحلم وبالسعي وبالناس اللي عطيناهم مساحة أكبر بكتير من اللي يستحقوه وإن القلوب اللي كنا شايفينها ضهر طلعت مجرد محطة مؤقتة وإن الكلمات اللي صدقناها كانت أحيانا مجرد صدى لمشاعر ما كانتش لينا ولا يوم كانت من القلب ومع الوقت نفهم إن الوجع

مش نهاية الوجع بداية فهم وإن السقوط مش انهيار السقوط إعادة ترتيب وإن الرحيل مش هزيمة الرحيل تصحيح مسار وإن أكتر اللحظات اللي وجعتنا كانت هي الباب الوحيد اللي دخل منه وعينا الجديد الوعي اللي يخلينا نقرب بعقل ونحب بحدود ونسامح بقدر ونمنح نفسنا قيمة أعلى من كل الماضي اللي كان بيستهلك روحنا

وبنكتشف إن الطيبة اللي كان بيشوفها البعض سذاجة هي في

الحقيقة نقاء وإن الصمت اللي فسرّوه ضعف هو قوة وإن الانسحاب اللي ظنوه هروب هو أعلى درجات الحكمة وإن البعد اللي هز ناس كان خلاص لازم يحصل علشان نعرف نعيش من غير تزوير ومن غير مجاملات ومن غير تمثيل علاقات شكلها حلو وجواها عفن وحين يتغير القلب نبدأ نشوف الدنيا بنظرة تانية نشوف إن العلاقات مش بعدد الناس اللي حوالينا لكنها بجودة الناس اللي جوا

قلوبنا وإن المواقف بتفضح النوايا وإن اللي يبيع بسهولة عمره ما كان شاري من البداية وإن اللي كان وجوده تقيل كان عبء مش سند وإن اللي مشي من غير كلمة ربنا شاله من طريقنا قبل ما يوجعنا أكتر ولما نتعمق أكتر نلاقي إن أجمل راحة في الدنيا هي راحة النفس مع نفسها لما توقف لوم ولما توقف سؤال ولما توقف مطاردة الماضي ولما تبطل تحاول تفهم ليه اللي اتغير اتغير وليه

اللي اختفى اختفى ولما نسيب اللي راح يروح وندي اللي جا فرصة يدخل بقلب صافي وبخطوة ثابتة من غير خوف من تكرار نفس الوجع وبعد نضج طويل نعرف إن الناس مش درجات في حياتنا الناس اختبارات وإن القلب مش ساحة مفتوحة لكل العابرين وإن الروح مش مباحة لكل من يمر وإن مش كل كلمة حلوة نصدقها ولا كل وعد نعلق نفسنا عليه ولا كل قرب نعتبره حب ولا كل اهتمام

نعتبره جد ومع خطوات العمر يتأكد لنا إن اللي يليق بينا هيفضل مهما حصل وإن اللي مكانه مش عندنا هيمشي مهما حاولنا نحتفظ بيه وإن اللي يقدر قيمتنا مش محتاج تلميح وإن اللي يحب مش هيأذي وإن اللي شافنا صح عمره ما هيقلل وإن اللي قابلنا بنية نقية هيكمل ومعاه نورنا يكبر وفي آخر المشهد نفهم إن القلب لما يرجع من رحلته الأخيرة يرجع أقوى من الأول ويرجع أركز من زمان

ويرجع حافظ نفسه كويس ويرجع فاهم حدود روحه ويرجع قادر يختار من غير اندفاع ويرجع يعرف قيمة نفسه قبل ما يدي قيمته لحد تاني ويرجع وهو عارف إن الحياة مش محتاجة ناس كتير الحياة محتاجة ناس صح وإن السعادة مش محتاجة مشاهد السعادة محتاجة راحة وإن الحب مش محتاج إثبات الحب محتاج صدق وإن الطريق مش محتاج الطريق محتاج نور واللي جاي دايما

أجمل لما القلب يتولد من جديد وحين يكتمل النضج الأخير يدرك القلب إن السلام مش لحظة السلام قرار وإن الاستغناء مش قسوة الاستغناء احترام للذات وإن الوحدة مش نقص الوحدة أحيانا ترميم وإن الرجوع للذات أعظم خطوة بتعيد ترتيب العمر كله فالقلب الراجع من رحلته الأخيرة مش بس أهدى ده أعمق وأصدق وأوعى وبيمشي خطواته وهو شايل نور يكفيه عن ألف رفقة

مزيفة وبيقفل أبواب ويفتح أبواب ويختار طريق مش محتاج فيه غير صوته ورضاه وربه والباقي ييجي لما يكون وقته