حين يخلص العمر من الزحمة اللي وجعت القلب
بقلم/نشأت البسيوني

حين يخلص العمر من الزحمة اللي وجعت القلب بنلاقي نفسنا واقفين في نص الطريق مش عارفين ازاي عدينا كل اللي فات ولا ازاي اتحملنا وجع كان اكبر من احتمالنا ومع كل خطوة بنتأكد ان اللي باقي لينا اهم من اللي راح وان اللي راح ماكنش مكتوب يكمل معانا اصلا وان ربنا بيشيل من قدامنا اللي يضرنا حتى لو احنا كنا شايفينه امان الايام بتعدي بس الدروس بتفضل ثابتة جوه الروح

بنفتكر اللحظات اللي كنا فيها بنجري ورا ناس ما تستاهلناش ونضحك لاننا اتغيرنا وبقينا اوعى بكتير بقينا نفهم ان مش كل قلب يبان قدامنا يكون نضيف ومش كل حد يقرب لينا يكون رايد الخير لينا وان في وشوش كانت بتضحك علينا مش لينا وناس كانت واخدة مننا اكتر ما كانت بتدي ومع كل محطة بنقف فيها بنكتشف ان المسافة اللي بينا وبين نفسنا كانت بعيدة واننا كنا بنقرب لناس

غلط ونبعد عن نفسنا صح وان اكتر خلاف كان موجود في حياتنا هو خلاف بين اللي احنا عايزينه واللي احنا فعلا نستحقه ومع الوقت عرفنا ان الطريق اللي لينا بيبان لوحده وان اللي يستاهل قلبنا بيبان من غير ما نتعب وبيجي يوم نقرر فيه اننا خلاص ماعدناش بنستحمل زعل وماعدناش بنجري ورا حد يسيبنا اول ما يلاقي راحته في حتة تانية نقرر اننا نعيش لنفسنا مش للناس وان

اللي يختفي يختفي واللي يبعد يبعد واحنا هنفضل ماشيين في طريقنا من غير ما نبص لورا لان اللي يبص لورا بيفقد اللي قدام
ولما نبدأ نحس ان روحنا بقت خفيفة وان حمل السنين وقع من على ضهرنا بنفهم ان ده مش صدفة ده ترتيب الهى بيقول لنا كفاية خلاص كفاية وجع وكفاية خيانة وكفاية علاقات ما عرفتش قيمتنا وكفاية ناس كانت بتتفرج علينا واحنا بنقع من غير ما تمد ايدها

ونبدأ نعيش اللى لينا نعيش بهدوء نعيش بعقل صاحي وقلب واعي وروح راضية نعيش ومن جوا كل واحد فينا كلمة بتقول انا استاهل الأفضل استاهل اللي يخاف يخسرني استاهل اللي يحافظ على وجودي مش اللي يستغل وجودي استاهل اللي يسمعني مش اللي يوجعني المشهد بنبص لورا ونعرف ان كل اللي حصل كان لازم يحصل وان كل اللي مشي كان لازم يمشي وان كل باب اتقفل كان

لازم يتقفل لان اللي جاي انضف واللي جاي احسن واللي جاي مكتوب لينا مش لحد غيرنا والطريق اللي افتكرناه صعب طلع هو اللي بنى فينا القوة اللي ماكناش نعرف انها جوانا والوجع اللي افتكرناه هزمنا هو اللي علّمنا ان مافيش حد يستاهل يبقى فوق قلبنا غير اللي يعرف قيمتنا وده قانوننا الجديد قانون يحمينا ويرجع لقلوبنا نورها قانون يعيش بينا ونعيش بيه