أعز الوِلد
بقلمي محمد عنانى
أعز الوِلد وِلد الوِلد
والكلام دا طلع بجد
كنت فاكره زمان كلام
قول مجامله والسلام
رغى فاضي ملوهش عازه
يعني شىء كدا في اللذاذه
لكن لما صَبحت أنا جد
وربي بارك عُمري مد
من السبعين قربت شويه
وهبني المولى أغلى هديه
ولأولادي أنا شوفت ولاد
وف حُضني ضميت أحفاد
كانوا لشيبتي ربيعها ونسمه
وكلامهم كان أجمل همسه
فرحة لقلبي وعادت تاني
وسعاده لروحي ووجداني
لسنين عمري كانوا الورد
مليون شُكر ياربي وحمد
فى ختام قولي والأمنيه
ربي يبارك في الذريه
ويحفظهم من أى شرور
يبقا طريقهم خير وسرور
