أميمة القزاز … السويس

ماجستير تربية خاصة 

ليست كل الجروح ترى .. بعضها يصرخ في الداخل، 

بينما العالم يطلب منك فقط: استحملى. 

استحملى ليست نصيحة .. أحيانا هي حكم قاسي بالسكوت، إلغاء لوجعك، وتجاهل لإنسانيتك.

كم مرة كسرت نفسك عشان ترضي غيرك؟

كم مرة قلتى عادى وقلبك كان بيصرخ مش قادر؟

الحقيقة المؤلمة

اللي بيتحمّل فوق طاقته … بينكسر.

واللي بيسكت كتير … بيختفى.

بس اسمعي دي كويس

الرحيل عن الأذى مش ضعف … ده شجاعة.

أما الانتحار مش حل … ده سرقة لكل فرصة ممكنة إنك تعيشى حياة تستحقيها.

إنت مش مطالبة تتحملى اللى بيكسرك،

ولا تكملى في حاجة بتموت روحك بالبطىء.

اختاري نفسك … حتى لو العالم كله ضدك.

لأنك تستحقى تعيشى … مش بس تستحملى.