بقلمي جمال القاضي

بتسمع صرخات جواك لكن مش قادر تطلعها ونفسك تطلع وغيرك يسمعها ويسمعك وترتاح، جربت تندمج مع الغير وفاكر نفسك علشان جربت مرة يبقى هتفشل علطول في كل مرة، خايف من الأحلام والنوم، خايف من المستقبل والفشل، خايف تعتمد على نفسك، خايف تتعامل مع غيرك لانك اتعاملت مرة من قبل ومعرفتش ومنظرك كان مش حلو مع الخجل ال ظهر عليك وهم بيسمعوك، صوتك كان بيروح منك وانت بتتكلم لما لاقيت كتير بالصدفه بيسمعك ومعرفتش تكمل كلامك او حصل لحروف كلامك عشوائية واصبحت غير منظمه او طارت منك ووجهك بيحمر ساعتها
ايو حصل كده طيب ده ليه ؟

لا كده انت مريض بمرض اسمه بفرط الخوف وال هيترتب عليه كبت وبعدين انطوائية وعزلة وبعدين في الآخر هتلاقي صوت جواك يقولك انت فاشل ولا لك أي قيمه وسط المجتمع ولاحتى أهلك والخلاص هو انك تلقي بنفسك تحت سياره او من فوق سطح عالي او تخنق نفسك حتى وترتاح

طيب تعالى نشوف اي ال بيحصل معاك بالضبط

فيه نوع من البشر بيفضل اننه يعيش حياه منعرله، والعزلة والإنطوائية هنا كانت نتيجة ومش سبب

الشخص الانطوائي هو شخص بيصرخ من جواه، شخص محتاج مع كل صرخه عاليه حد يسمعه ويلتفت ليه ويقوله مالك، عايز ينادي على حد معين يثق فيه ويتكلم معاه، محتاج واحد يطبطب عليه ويشعر معاه بالأمان ال افتقده، محتاج واحد يعيد له ثقته بنفسه والعالم ال حواليه. محتاج يقولك والله اختيار العزلة غصب كان غصب عني ومش بإرادتي

الشخص ده فقد ثقته بكل العالم المحيط بيه نتيجه تجارب كتير حاول يتعامل فيها معاهم لكن كان بيفشل، هو في نظره بس جرب طرق كتير للتعامل لكنه شايف ان ولا طريقه منها نجحت
هو شخص حاسس انه مجرد قشه خفيفه واخدها التيار وبتجرفه من أعلى لمنحدر خايف وهو نازل يصطدم فيه مع أي حجر ممكن يقابله

هو شخص جواه خوف من كل حاجه، من الفشل ومن المستقبل، من نفسه ومن الناس، من نوم ممكن يحلم فيه بكوابيس ومن واقع عايز يهرب منه بعيد ومش مرتاح لأحدهم ولاكده لان جواه هواجس مخيفه وكل أحلامه كأنه بيسقط من مرتفعات

هو شخص حاسس ان فيه شيء جواه مش مخليه يعيش مرتاح، نفسه يتعامل مع غيره بس خايف، نفسه يندمج مع المجتمع والمواقف لكن خايف من انه يفشل، خايف من حاجات محصلتش، خايف من نتائج مواقف مش في الواقع. فاكر نفسه هو محور اهتمام غيره ومش شايفين غيره مع انه مش في دماغهم اصلا

لكن انت محتاج ايه
محتاج حاجات مهمه جدا
محتاج لأول حاجه انك تلاقي شخص تثق فيه وتفضفض معاه،
محتاج تتنازل شويه عن خوفك ال مسيطر عليك
محتاج لأهم حاجه وهي انك تواجه الخوف وتخوض التجربه مرات ومرات حتى لو فشلت
وعلى فكره اهم حاجه هي المواجهة لانك هتلاقي نفسك مع المرة ال هتقشل فيها مرة تانيه فيها نجاحك، حتى المرة ال فشلت فيها هي بتعتبر نجاح بالنسبه لك لانك بضيف لنفسك ثقه جديدة مع المواجهة
محتاج تقول لنفسك انا خايف ليه ومن مين، من مجتمع مشغول عني ولامن مين بالضبط
محتاج تستقل وتعتمد عن نفسك مش على غيرك في انك تقوم بإنجاز مهامك ال عايز تحققها بالمحاولة
ولازم تعرف ان مفيش حد تاني هيعالجك غيرك انت .