“حلم الغرب المتغابي”
ونا ماشي في نُص الحَرجه
وِبَفكر
وكان المُخ مِتعكِّر
ومعرفشي دا كان السبت
ولا تلات
ومِش حامل على جسمي
حتى شوية الخلقات
قاعد قهران
وبنفخ نَفخة التِّعبان
منيش تَعبان ، ولا حاجه
لاكن قهران
ليه الغرب يعملها كده معانا؟
وناس الشرق سمعانه
وشيفانه
يا فرحتهم بفرقتنا
تعالو نندفن حيين
وبس نلاقي جبَّانه
حترضى يندفن فيها رجال خينين
يبيعو نفسهم ببلاش
ونبقى احنا اللي ما نسواش
ولا حاجه
جِتَتكم ليه مقرافنه ؟
مليتو الأرض بعفانه
مفيش تاني انتخاب حَ يعود
ولو حيين حياكلنا ف يوم الدود
ونتقطَّع على القُرمه
ونضرب نفسنا بصَرمَه
عشان يمكن نفوق م الحلم
عيد هاشم الخَطَّاري