كتب دعبدالرحيم العمده
.
وزارة التربية والتعليم أصدرت قرارات هدفها سلامة الأولاد في المدارس
أهمها كاميرات في كل زاوية حتى جوه الفصول

لو إنت ولي أمر ركز كويس جدًا، لأن اللي جاي ده هيغيّر شكل الأمان داخل المدارس كلها مش كاميرات وخلاص لأ، تحديث كامل وتغطية 100% لكل المساحات.
وموظفين مخصصين لمتابعتها طول اليوم وأي لقطة غلط بتترفع فورًا على مكتب المدير.

تحاليل مخدرات للجميع بلا استثناء.
معلمين، إداريين، سواقين، مشرفين، عمال
تحليل دوري تحليل قبل التعيين
ومفيش مدرسة هيتجدد ترخيصها غير لما تقدّم إثبات الكلام ده رسميًا.
خطة توعية جديدة للأطفال والمعلمين والأهالي.

ورش، أنشطة، تدريب، ومتخصصين
علشان كل طفل يفهم يعني إيه مساحة شخصية ولماذا يحمي نفسه من أول موقف.

ضوابط صارمة للعمال والصيانة والأمن.
ممنوع عمال الصيانة وقت اليوم الدراسي.
ممنوع أفراد الأمن يكونوا جوه المدرسة أثناء اليوم.

أي حد من دول يدخل بعد الساعة 5 أو في الإجازات فقط علشان ميبقاش فيه أي اختلاط مع الأطفال الأتوبيسات تحت السيطرة.

عدم تحرك الأتوبيس  من غير مشرفة معتمدة ومسجّلة في الإدارة التعليمية سواء الباص ملك المدرسة أو شركة خاصة.
دورات المياه عليها إشراف كامل.
لازم يكون فيه عامليتين على كل دورة مياه من قبل دخول الطلاب ولحد ساعة بعد الانصراف لايوجد طفل  في مكان مغلق لوحده.

اعتماد العاملين وتحقيقات أمنية إلزامية.
كل موظف يقدّم صحيفة حالة جنائية خلال أسبوعين والأجانب لابد عقود وتصاريح عمل معتمدة رسميًا.

إشراف مدرسي محكوم بنسبة واضحة
1 مشرف لكل 6 طلاب.
ممنوع استقبال أي طالب قبل الطابور بربع ساعة المدير آخر واحد يمشي بعد خروج آخر طفل.
وطفل كي جي أو ابتدائي ممنوع لحظة واحدة من غير إشراف.
بالإضافة لسجلات أمن صارمة لمنع دخول أي شخص غريب. متابعة ولجان تفتيش والعقوبات جاهزة.
الوزارة هتنزل تفتيش مفاجئ باستمرار.
وأي مدرسة مخالفة هتدخل تحت إشراف مالي وإداري كامل مع تطبيق عقوبات القرارين 420 و422 لسنة 2014 بدون أي تهاون.
الخلاصة
الوزارة بتقولها بكل وضوح أمن ولادكم خط أحمر والمدرسة اللي مش قد المسؤولية هتتحاسب فورًا.
لو ابنك أو بنتك في مدرسة دولية أو خاصة تابع تنفيذ القرارات دي بنفسك.
ارجو قبول وافر احترامي وخالص شكرى وتقديري لشخصكم الكريم معالي وزير التعليم المصري