بقلم كاتب الاغانى يسرى البنوبى
على غير المألوف اعمل معروف تبص علينا وتقدر رقة عواطفنا.
وتنقذ روحك وبكفايه دموعك بتعنفنا واحنا منستحملش القسوة وبنخاف لاميبقالناش. ولا اى كتاف تبقى تشيلهالنا وتشيل عنا واحنا شايفينك غرقان فى الاحزان وريحة القهوه الساده غامرة كل مكان وواصله انوفنا وخليتنا بنقولك ارجوك تنقذ نفسك م الاشجان. واهى لسه الدمعه اهى باينه فى عيون مسكينه. واقفه فى تراسينه.
بتطل على كل السكان واهى باينه لعيونا واهو باين عليها الغلب كمان وغسيل اسود منشور علشان تبقى للاحزان عنوان نلاقيه اومال بقا هتكون فى الداخل جوه البيت أيه بيحزنا غير صوت الشيخ بيكافح كل الاحزان وناس حاضرين بيواسوا وتطيب خاطر اهل الميت برضو كمان وتطبطب على قلب الحزنان بكل حنان وتلحقها بيارب تجعلها اوام اخر الاحزان تدخل بيتنا ولا نشوفش الشر يرجع يجى فى الوش ولا يكونله تانى بينا مكان بحق القرآن الساير صوته فى كل مكان.
ودى صورة حيه فى بيوتنا ودى اصاله وموجوده فينا ولا نقدرش ننكرها كمان واهى ديما بينا واهى صورة حيه من بعض الاحزان واهى تبقالكم عنوان للى مايعرفش الاصل من الفصل ولا يعمل ايه وقت الاحزان ودى صورة حيه من جوه بيوتنا وموجوده معانا لحاد الان ويارب يصلح أحوالنا ولا يجعل بينا زمان يبلينا تانى بأحزان
