حسن حفني
لسه حي
لسه عايش
رغم كل الطحن والعجن اللي فَيّ .
لسه نوري بيتسرج
من زيت مدادك
لسه  زي ما قلتي عني
إني ضي

( لسه حي )

لسه عايشك  جوه دمِّيْ
لسه همك يشهق انفاسي  وهمي
رغم ان الهجر منك
حده يكوي  الجرح كَيّ.

لسه حلم انا بحلمه  و بتحلميه
لسه شمسي بتشرقك
وبترسمك
في كل حته ف كل حاره
في كل ناحية
  ف كل حي
((  لسه حي )
لسه نبضي ف قلبك انتي
ومنتهاش…
لسه بوهب  عمري  ليكي  وكل أحلامي ببلاش
لسه هوه ايوة هوه 
حبيبك انتي
ولسة  نبضي ليكي وحدك و منتهاش
و المشكلة
لسه زي ما انتي قولتي
في الطيابه  ماليش زي..
(( لسه ليكي ))
لسَّه ليكي  روح أُبوَّه 
و السند ويَّا الحنين
لسه بوهب ليكي بسمة أخ تسري
جوة محراب الوتين ..
لسه بعشق سمفونية ضحتك
لسه بحلم عيني تلمح رنتك
لسه بحلف
باللي الف يوم دمانا
جوه أوتار  الكمان
إن روحك
تروي صحرة أرضي رَيْ .
(( لسه حيّ))
لسه قلبي بينبضك
جوة الوريد  
بعشقك حتّة وطن
لسه عاوزك   تسكنيني
وتكوني لي انتي السكن
لسه بغزل من حروف  اسمك دفاي
لسه بعزف ضحكتك
وبهمستك  بنشد غناي
لسه  ليكي …٢
أيوه  ليكي …٢
وبيكي
حيّ.