كتبت منال شوقي
صرحت والدة يوسف، في تصريحات خاصة ابني سلمته بإيدي لاتحاد السباحة في بطولة الجمهورية، وجهزتله شنطته والاتحاد خد ابني مني ومرجعهوش بسبب الإهمال وقد انهارت والدة اللاعب يوسف محمد، لاعب نادي الزهور، الذي تعرض للغرق خلال مشاركته بمنافسات بطولة الجمهورية بمجمع حمامات السباحة باستاد القاهرة.

وقد أضافت في تصريحاتها متسائلة أن هناك 20 حكما وفريق غطاسين واقفين كلهم ومشافوش ابني يوسف وسابوه 10 دقايق تحت المياه لحد ما قلبه وقف، والإسعاف اللي خد ابني مكانش مجهز نهائيا،

كيف لفريق طبي مصاحب لبطوله سباحه لايعلم كيف ينقذ سباح تم غرقه فأنا بتهم الاتحاد والإدارة بالإهمال والتسبب في وفاة ابني.

وتابعت: الاتحاد بيقولوا إن ابني مكانش تعبان وقبلها كان نازل بطولة أكبر من دي وكسبها.. أنا وابني كنا متفقين هنتصور مع بعض بعد البطوله
لكنه مطلعليش تاني.

واستكملت: بيقولوا ابني كان تعبان طب ازاي وأنا مسلمالكوا شهاداته الصحية وازاي طلعتوا له كارنيه طالما تعبان؟!.. أنا هقاضي الاتحاد والمسئولين وحق ابني مش هسيبه.