قنا / ممدوح السنبسي
قامت احدي السيدات بقنا نظرا للظروف الصحية والمعيشية التي تعيشها السيدات، وانا لا اكتب اكثر مما كتبته، رئيسة المبادرة وهي الاستاذه، عبير الراوي، امينة المرأة، بحزب حماة وطن بقنا، وقالت: كل واحدة فينا بتمر بظروف، وتحديات، وضغوط كتير، سواء نفسية أو اجتماعية أو حتى صحية… وفي وسط الزحمة دي، ممكن تنسى نفسها، وتنسى إنها تستحق حياة أحسن، نفسية أهدى، وثقة أقوى.
علشان كده، أطلقنا مبادرة “إنتي تقدري”، وهي مبادرة مجتمعية هدفها دعم وتمكين المرأة من خلال التوعية والمعرفة، وتقديم خطوات بسيطة تساعدها تلاقي الطريق لنفسها من تاني.
✳️ بنشتغل في المبادرة على كذا جانب مهم في حياة كل ست، وأهم أهدافنا هي:
🔹 توعية المرأة بحقوقها الصحية والنفسية والاجتماعية، علشان تبقى عارفة إزاي تحافظ على صحتها وتطلب حقها وتعيش باحترام وكرامة.
🔹 تعزيز الثقة بالنفس وتقدير الذات، لأن كل ست محتاجة تؤمن بقيمتها، وتكون شايفة نفسها بشكل إيجابي.
🔹 تشجيع السيدات على التغيير الإيجابي في حياتهم، حتى لو خطوة صغيرة تفرق، والمهم إنها تبدأ.
🔹 توعية الأمهات بطريقة التعامل مع أولادهم، وفهم سلوكياتهم، والتفاعل معاهم بشكل صحي وبسيط.
🔹 تسليط الضوء على أهمية تعليم اللغة الإنجليزية للأطفال، من بدري وبطرق ممتعة تساعدهم في مستقبلهم.
🔹 التوعية بأهمية العناية بالنفس، من حيث الجمال الخارجي والصحة النفسية، لأن الراحة والجمال مش رفاهية، لكن حق لكل واحدة فينا.
إحنا في “إنتي تقدري” مؤمنين إن كل ست جواها طاقة كبيرة… ومجرد إنها تبدأ تفكر في نفسها شوية، وتسمح لنفسها تتطور وتتعلم، ده في حد ذاته بداية قوية للتغيير.
لو حسيتي إن الكلام ده ليكي، أو لحد تعرفيه، تابعي معانا.
هنكون جنبك بخطوات بسيطة، بس تأثيرها كبير ♥
إنتي تقدري وعي وثقة تمكين المرأة ابدئي دلوقتي للجميع، كل الشكر والتقدير لكل من يقوم بعمل مبادرة للتوعية والمساعدة في عمل الخير، من اجل ان يعيش الجميع في خير وسعادة وصحة وعافيه وسلام وامن ومان واستقرار، كل هذا من اجل مصر، وسيدات مصر العظماء، حفظ الله مصرنا الغالية قيادة وشعبا .
