بقلم الكاتب
محمد عباس
قولي حاجه تداوي جرحي
جرحي ساكن بين ضلوعي
قولي حاجة تطفي ناري
نار تزيل دمعي وصدوعي
قولي كلمة حلوة صدقة
منك انت شكل تاني
لما كنا زمان بنحلم
كنا نفرح في التهاني
كنا نضحك من قلوبنا
كنا نفرح في الاغاني
لما يزعل حد منا
كنا نحزن اونعاني
كنا نجري عليه يسامح
النهاردة في قلبي تاني
والجراح علم في روحنا
واتناسينا يوم تهاني
لما اشوفك حد تاني
حد كاره اواناني
حد غدار خد مكاني
زاد نحيبي وزاد جناني
والجمال بقي شكل تاني
شكل خالي من معاني
والطباع في قلوبنا زايفة
مش هقولك جرح تاني
ماشين في الدنيا بنتعايق
ولاعاد لاضمير ولابال رايق
مش كنت بشوفك بطمن
دلوقتي بشوفك بتضايق
تايه في الدنيا ومش فايق
وبدوس علي غيري وبتعايق
وبقول اعداء واحنا شقايق
اه منها نفوسنا الغدارة
بتخادع تكذب في مهارة
وكلام زي الدبش حجارة
والعشرة ضاعت ياخسارة
وصبحنا انداء قي اشارة
ونلوم ع الدنيا الجبارة
والباقي في نفوسنا مرارة
وندور علي شيشة وسيجارة
والخلق من الحلق اجاره
والكل اهه محتاج لزيارة
فسحه من الناس الغدارة
بتشوفك مبسوط تتعكنن
وتشاور بعيون مكاره