كلمات :عمو صلاح الرحاب
روحوا إسألوه هوه إنت مين
يا ابوكاب و نسـر و نجمتين
إنت العقيـد … و لا الرقيب
و لا الشويش .. و لا الأمين
روحوا إسألوه …. هيقولكم
أنا إبن مصر و إبن ناسها الطيبين
هوه اللى عزمه و قلبه .. صامدين ف الكمين
هوه اللي تحت الطل ……… واقف باليومين
هوه اللي ما ارتاحشي ….. و لا بتنام له عين
هوه اللي مليـان .. بالجسـاره
راجل قـوي و جَد .. و مَتيـن
هوه اللي مستنـي .. الإشاره
علشان يلبي ….. ف ثانيتين
هوه اللي غاب .. سافر وساب
الأهل .. و البيت .. والصحاب
من يوم .. ما أقسم ع اليَمين
هوه الولد
هوه اللي حاضن كل حاجـة ف البلد
و ما حضنشي … بنتـه .. من سنيـن
و ابقـوا إسألـوه …. بتحب مين
هتشوفوا ف عيــونه … الحنين
هتشوفوا ضي
هتشوفوا عشق … مالوهش زي
هتشوفوا دمعــة .. و ضحكتين
هتشوفوا نيــل حاضن .. هرمها
هتشوفوا مصر .. بلون .. علمها
واقفــه .. بتضحك .. ع الجبين
هوه اللي ما بينساش .. جميلها
معاهدها .. ف نهارها .. و ليلهـا
يفضل لها …… الحضن الأمـين
دايما .. وطول الوقت .. حاضر
و تمام يا فندم … رده .. حاضر
وان يوم هتسأل ….. هوه مين
هوه اللي غاب …. سافر وساب
الأهل .. و البيت …. والصحاب
من يوم … ما أقسـم ع اليَميـن
هوه الولد
هوه اللي حاضن كل حاجـة ف البلد
و ما حضنشي … بنتـه .. من سنيـن
إهداء لكل شرطي و شرطية على أرض الوطن بمناسبة عيد الشرطة
