بقلم/نشأت البسيوني

في لحظه سايبه كده بين اخر اليوم وبدايه يوم جديد بنكتشف ان في قلوب بتحارب من غير ما تصرخ وبتتوجع من غير ما تشتكي وبتسكت رغم ان السكات بيكون اقسى من الكلام بمليون مره القلوب دي بتشيل فوق طاقتها وبرغم كده ما بتقعش لان جواها حاجه محدش يعرفها ولا حد يقدر يشوفها حاجه زي شعله صغيره بتقاوم الريح وما بترضاش تطفي مهما العصوف كانت شديده

وفي زوايا الليل الطويله قلوب زي دي بتقعد لوحدها تجمع اللي وقع منها طول السنه وتلملم اللي اتكسر فيها وتفتكر تفاصيل محدش يعرفها عنها حاجات وجعتها ووجعت روحها وخليتها تحس انها واقفه قدام الدنيا من غير سند لا ضهر ولا كتف ولا كلمه حنينه تريحها بس برغم الوحدة دي كلها مابتستسلمش بالعكس بتطلع منها قوه غريبه كأن الوجع نفسه بيخلق جواها حاجه اعظم من كل الدنيا

وتلاقيها بتفتكر لحظات كتير كانت قادره توقعها بس ماوقعتهاش لحظات وقفت فيها قدام اختيارات صعبه وواجهت ناس ماكانوش قد النيه الطيبه اللي جواها ودفعت ثمن طيبتها ودفعت ثمن سكوتها ودفعت ثمن صبرها ومع ذلك ما بدلتش قلبها ولا غيرت معدنها ولا بقت زي اللي اذوها لانها فاهمه ان نقاء الروح مش ضعف وان الخير مش جريمه وان الصمت مش هروب الصمت اوقات

بيكون احترام للي بينا وبين نفسنا ومع مرور الليل تلاقي القلب ده واقف يفكر في بكرا من غير خوف ولا تردد رغم كل اللي شافه ورغم كل اللي اتسرق منه بيخطط انه يكمل الطريق رغم تعبه وبيقول لنفسه ان النور مهما غاب لازم يرجع وان النفس مهما ضاقت ربنا يوسعها وان الوجع مهما كبر عمره ما يغلب قلب قوي متعود يشيل اكتر من طاقته وتلاقيه بيرفع راسه للسماء وكأنه

بيقول يا رب اعرف اني موجوع واعرف اني تعبت بس لسه محافظ على روحي ولسه ماسك في الاماني ولسه مصدق ان الخير جاي وان اللي راح ماكانش خسران وان اللي اتاخد مني هيرجعلي في وقت انا محتاجه فيه مش وقت انا مستعجله فيه وفي اخر الليل قبل ما النهار يولد يفوق القلب ده على حقيقه مهمه جدا ان مافيش حد في الدنيا يقدر يكسر انسان قرر يقوم ولا فيه ليل يقدر يطول