مقال بقلم جرجس أبادير
مفيش حاجة تتعمل صدفة في تكوين الكادر السينمائي
خصوصاً وانت بتتعامل مع سينما شريف عرفه وعادل إمام
عارف هو بيعمل ايه و عايز يقول ايه
الممثلين الثانويين اللي بيختارهم في كادراته بيختارهم بعناية
فتحي نوفل = عادل إمام
بيحاول يقنع صديقه المحامي
علي الزناتي = رياض الخولي
ذو التوجهات الدينية

أنه يترافع في قضية دعارة و لما بيرفض
فتحي بيقوله تفرق إيه ديه عن قضايا المخدرات والحرامية اللي بتدافع عنهم هنا
عليالزناتي بيوافق
في إشارة مبكرة لعدم وجود المبادئ
لدي علي الزناتي ممثل تيار الإسلام السياسي
بل و تغيير المبدأ وفقاً لمقتضيات الموقف الحالي
قاله لأجل الصداقة القديمة و لكن ليس هو السبب طبعا
هو وافق لغرض تاني

هو كان بيقدم السبت ومنتظر باقي الاسبوع من فتحي
وسط هذا الجدال تجد من يقف وسطهم في سكون
متابع تغير المواقف والمباديء بين الشخصيات ببلاهة منقطعة النظير
صبي القهوجي هو يمثل الشعب
كان مش فاهم إيه اللي بيحصل بالضبط
ولا إيه الاتفاقات اللي بتحصل ما بينهم
في نهاية المشهد
فتحي بيقول
انت واقف وسطنا ليه كأنه بيقوله ملكش دعوه
باللي بيجري انت تأخد الخلاصة من سكات
هنا في تكوين الكادر تجد
المخرج شريف عرفه
وقف عادل إمام و رياض الخولي مواجهين لبعض
ده دائماً و أبدا دليل علي الاختلاف
بين الشخصيات و توجهاتهم
في وسط الكادر هتلاقي صبي القهوجي
هذا الصبي يتابع المشهد فقط دون إبداء أي رأي
كأنه مش موجود أساس في حساباتهم حتي هما لم يشعروا به
الا في النهاية
اخر حاجة لاحظ نظرات وحركة الممثل اللي قام بدور القهوجي.

لو شوفتم الصورة من برة بدون التركيز في الرمز
نقول الشعب احمد راتب
والحكومة فتحي نوفل
وتيار الاسلام السياسي علي الزناتي
طبعا الصورة في تكوين الكادر السينمائي غلط
طبعا شريف عرفه لا يخطأ
لو كان يقصد يجيبهم بمعني الشعب والحكومة وتيار الاسلام السياسي

كان جاب احمد راتب في النص وعادل إمام ورياض الخولي
علي الأطراف محاطين به
الحكومه و التيار الإسلامي تهيمن علي الشعب
فيصبح المشهد الحكومة الشعب التيار الاسلام السياسي
لكن المشهد من عزاء والد فتحي عادل إمام وأحمد راتب ورياض الخولي
كانوا بيواسي عادل امام اللي بيبكي فقدان والده
لذلك هما كانوا علي الأطراف
لأن صاحب الحدث الرئيسي في الكادر هو عادل امام كان لازم يكون في النص

في صورة العزاء أيضا نجد صديق الاب بيسال فتحي
عن ما دفعه من رشوه للاب المتوفي لحجز شقه
لكن فتحي يطلب منه يروح لابوه يطالبه
بما دفعه من رشوه
نجد الكادر في الصوره الوزير في المنتصف يسمع ويشاهد و هو صامت

الحكومه تتغاضي عن رشاوي الموظفين الفاسدين
طالما يقومون بما في صالح الحكومه من مهام هذا هو الاهم

لقطه اخري فتحي نوفل المحامي يقول
القانون زي ما بيخدم الحق بيخدم الباطل
واحنا الباطل بتاعنا لازم يكون قانوني
اللقطه هنا ليست صدفه
فتحي نوفل يجمع كتب القانون في كرتونه مرسوم ومكتوب عليها قابل للكسر
المخرج يوضح
أن نوفل المحامي عنده كل حاجه ممكن تتكسر طالما يحقق هدفه
حتي أن كان ما يكسر هو القانون نفسه ممكن يكسر لكن بطريقه قانونيه

هذه المشاهد من فيلم طيور الظلام
كم يحتوي فيلم طيور الظلام علي مواقف
انه فيلم كل مره تشاهده تجد فكره جديده ومعلومه جديده
أراد كاتب و المخرج شريف عرفه إرسالها لك
طيور الظلام فيلم جرئ لا يستطيع اي احد غير الثلاثي
عادل امام شريف عرفه وحيد حامد
ان يقدمه للسينما

طيور الظلام انتاج عام 1995 م
تاليف وإنتاج وحيد حامد
اخراج شريف عرفه
عادل امام رياض الخولي احمد راتب
يسرا نظيم شعراوي جميل راتب نهال عنبر

جرجس أبادير