خواطر : عواطف عفيفي
انت ياجاري ياساكن قلبي
فين نضرتك البسها ياعم
ياما لمحت وبعت اشاره
مره كتابه ومره بنظره
وساعات احكي حكايه خيالي
وكل كلامي ليك ياجاري
مره اطلب منك فكره
ولا نصيحه لحد حبيب
واحكي معاك مشكله في حياتي
يمكن تعرف انك غالي
لما احكيلك عن أسراري
كل ده ولا انت داري
ايوا بحبك انت ياغالي
عد العمر وانا بلمح
يمكن تحس يمكن تلمح
شوق بعيوني ولا كلامي
ولما الباب دق بغريب
يطلب قربي وهو سعيد
اتنرفزت وقلت لمين
كبرت امتي دي طفله ياهوه
صحح نظرك انت ياعم
انا كبرت وحبك هم
لتبادلني حب بحب
لتشيل من علي قلبي الهم
ضحك وقال ماشي يالمضه
ايوا بحبك يااحلي جاره
والله ده قلبي بعت الاشاره
انك ليا باقي العمر
