عمر ما بيرجع
بقلم/نشأت البسيوني

في لحظة معينة الإنسان بيبص حواليه ويلاقي إن العمر بيتغير من غير ما يحس يوم ورا يوم بيعدي من غير صوت ولا علامة واضحة لكن تأثيره بيبان جواه في نظرته للأشياء في طريقته في الرد وفي مشاعره اللي ما بقتش زي الأول الإنسان يفهم إن اللي بيروح ما يرجعش وإن اللي بيتغير جوانا عمره ما يرجع لشكله القديم حتى لو حاولنا حتى لو ضغطنا على نفسنا حتى لو قلنا يمكن نرجع زي زمان

لكن مفيش زمان بيرجع ومفيش إحساس بيتكرر بنفس قوته
ومع مرور الوقت نلاقي نفسنا بنبعد عن حاجات كانت بتشدنا ونقرب من حاجات ما كناش شايفينها ونكره تفاصيل كنا بنحبها ونحب هدوء كنا بنكرهه ونفهم إن التغيير الحقيقي بييجي من داخلنا مش من الدنيا بره ونلاحظ إن في ناس وجودهم ما عادش بيضيف لينا وإن سكوتنا قدامهم مش خوف ولا ضعف لكنه خلاص

فهم ووعي وإن في قلوب كنا شايفينها أمان طلعت مجرد محطة وإن في طرق كنا فاكرينها نهايتنا طلعت مجرد بداية وفي لحظة صدق الإنسان يقف قدام نفسه ويقول يمكن اللي راح كان لازم يروح ويمكن اللي اتكسر كان لازم يتكسر ويمكن اللي اتغير جوايا كان أكبر هدية من الأيام وفي الآخر يفهم إن العمر ما بيرجعش
لكن الإنسان لما يعرف قيمته يعرف إزاي يكمل من غير حزن ومن

غير تمسك ومن غير خوف ويعرف إن اللي قدامه أهم وأصدق
من كل اللي فات وراءه