رحّال بلا مينا
عمّال بدوّر في الزحمة
والدنيا أهي ماشية ومش رحمة
ولا يوم حنيتي
ولا قلتي: كفاية حرام
رحّال وبدوّر على مينا
وشراع مكسور كان في سفينة
وجرّاب مسحور خطفني
ورماني على مينا
كلّها أموات
والصمت معتم
والكلّ سكات
وأقول بتكلّم
ولا حدّ سمعني
قلت أدوّر من تاني
يمكن ألاقيه
وألاقي سفينة
تنقلني على مينا
غير الأموات
زهقت سكات
والصمت معتم
في سفينة
غير الأموات
عَرّاف بيقولوا مش عارف
والهمّ يزيد
وبدوّر بس مش عارف
على فجر جديد
ينهي لي حصاري
وأداري
في حضنه أكيد
وأبعد عن مينا
اتخنقت
وفي وسط سكات
وخلاص مش فارق يا مدينتي
والكلّ مفارق
ولو متّ كمان أنا مش فارق
ماهو كله مهاجر ومفارق
ومفيش فايدة
مستني الفجر
في صوت بكرة
يمكن بكرة يكون أحسن
والفجر ينادي
ينده لي
وألاقي سفينتي والمينا
ويفكّ حصار الحزن
مدينتي
ونعيش بالخير
ونعيش بكرة
والحلم مليّنا
رحّال بيدوّر على مينا
والاسم… مدينتي
بقلم
وليد جمال محمد عقل