خطوة من غير رجوع

بقلم/نشأت البسيوني

في وقت معين في حياة كل واحد بييجي اليوم اللي بيقرر فيه ياخد خطوة محدش يقدر يرجعه منها خطوة مش بدافع العناد ولا التحدي لكن بدافع إنه زهق من الدوران في نفس الدايرة وزهق من الانتظار اللي مابيخلصش ويبدأ يشوف الأمور بعيون مختلفة يشوف إن الراحة اللي كان بيجري وراها ماكانتش راحة حقيقية وإن الخوف اللي كان بيوقفه ماكانش إلا وهم كبير اتربى جواه سنة

ورا سنة لحد ما صدقه ومع أول خطوة من غير رجوع يحس إن روحه بتتنفض من جديد وإنه أخيرا بيواجه نفسه مش عشان يجلدها لكن عشان يفهمها يفهم إن كل حاجة عدت عليه كانت بتجهزه للي جاي وإن كل خسارة كانت بتشيل من طريقه حمل كان تقيل عليه أكتر مما كان يتصور ويستوعب إنه مهما حاول يهرب من قدره هيرجع يلاقيه قدامه وإن الطريق الوحيد اللي بيطلع بيه لفوق

هو طريق المواجهة مهما كان طالع بشق الأنفس وبين ارتباك البدايات وحماس التجربة يكتشف إن الحياة ما بتكافئش اللي بيتفرج الحياة بتكافئ اللي اتحرك حتى وهو مش فاهم النهاية جاية على شكل إيه وفي آخر اللحظة اللي قبل الهدوء يعرف إنه أخيرا اختار اختياره اختار نفسه وده أكبر خطوة ممكن يعملها أي إنسان في وقت محتاج قلب ثابت وجرأة تقول أنا مش هارجع