بقلم/نشأت البسيوني
في لحظات كتير الإنسان بيتعلم من الصمت أكتر ما بيتعلم من الكلام لأن الصمت مش فراغ الصمت مساحة بتتجمع فيها كل المعاني اللي هربت من الجمل وكل الكلمات اللي ضاعت قبل ما تتقال الصمت مدرسة من نوع تاني مدرسة بتكشف لك حقيقة الأشخاص وتكشف لك حقيقتك انت قبل أي حد في الصمت بتشوف اللي مش باين وبتسمع اللي مش مسموع وبتحس اللي ما
حدش قدر يشرحه لك بتكتشف إن الهدوء مش ضعف وإن الانسحاب مش هروب وإن كتير من المعارك ممكن تكسبها من غير ما ترفع صوتك مجرد إنك تبتعد وتفهم وتعيد ترتيب نفسك من غير ما تدخل حرب ما تخصكش الصمت ساعات بيكون رد قاطع أقوى من آلاف الكلمات وساعات بيكون حماية لك من ردود كانت هتخسرك كتير وساعات بيكون لحظة راحة بتجمع فيها شتات قلبك
قبل ما تكمل الطريق من جديد والغريب إن خطوات الصمت مش بتتسمع لكنها بتغير اتجاه حياتك تدريجيا تلاقيك وبشكل مفاجئ ما بقتش زي الأول خلاص بقت عندك حكمة هادية ضوء داخلي يديك قدرة تتعامل مع الناس والأيام من غير ما تهد قوتك ولا تضيع طاقتك خطوات الصمت مش هادية زي ما الناس فاكرة خطوات الصمت عالية جواك صوتها واضح في تفكيرك وفي قراراتك وفي
طبقتك الجديدة اللي اتكونت من التجارب كلها الصمت مش نهاية الكلام الصمت بداية فهم أعمق بداية قوة من نوع مختلف قوة تعرف تمسك نفسك وقت ما كنت زمان بتغلط وقوة تقول لأ من غير ما تنطق وقوة تبني نفسك من غير ما تطلب شهادة من حد
