حين يتغير الانسان دون ان يعلن ذلك
بقلم/نشأت البسيوني
في لحظة غريبة محدش بيحس بيها غير صاحبها بيقرر الانسان يغير طريقه من غير ما يبلغ حد ولا يشرح ولا حتى يبرر بيصحى من نومه وهو مش نفس الشخص اللي نام من شوية كأنه اكتشف فجأة ان العمر اقصر من انه يفضل واقف في مكان ما يستاهلش روحه ولا تعبه ولا صبره وانه مش مضطر يفضل شايل هموم ما تخصوش ولا كلمات كسرت قلبه وهو ساكت عليها وانه من حقه
يرجع نفسه قبل ما يرجع اي حد تاني الانسان مش بيتحول مرة واحدة ولا بيعلن انه اتغير لكنه يتبدل حاجة في حاجة كلمة ورا كلمة وجع ورا وجع وحتى الفرح ساعات بيكون سبب في التغيير لما نلاقي نفسنا بننبسط من حاجة ما كانتش بتسعدنا زمان او بنزعل على تفاصيل ما كانتش بتفرق معانا اصلا كل ده بيقول ان الروح مش ثابتة وان القلب ليه عمر واتجاه وميلاد جديد في كل
مرحلة بنعدي عليها احيانا بنكون في وسط ناس كتير وبنضحك ونهزر ونبان اقوياء ومرتاحين لكن جوه الروح حاجة بتتكسر من غير صوت حاجة محدش يعرفها ولا هي اتقالت ولا هتتقال يمكن لان الانسان اتعود يخبي جرحه ويظهر ضحكته لان الوجع لو اتشرح مش دايما هتلاقي اللي يفهمه واحيانا مش هتلاقي اللي يقدره اصلا
وبيجي يوم يبطل فيه الانسان يدور على التقدير ويبطل يدافع عن
نفسه ويبطل ينتظر من اللي حواليه يفهموه او يبصوله بعين الرحمة ويبطل كمان يحمل نفسه ذنب انه اتغير لان التغيير مش خيانة ولا ضعف التغيير حكمه ربنا فيه نجاة من حاجة كانت بتاكل القلب بصمت وبتسحب من العمر من غير ما نلاحظ في اللحظة دي يبدأ الانسان يعيد ترتيب حياته مش علشان يهرب من الناس لكن علشان يرجع لروحه يعود يسمع صوته الداخلي اللي كان ساكت بقاله سنين
يعود يبص في المراية ويشوف ملامحه اللي ضاعت وسط محاولات ارضاء الجميع يعود يمسك نفسه من جديد ويقول كفاية كده كفاية وجع وكفاية انتظار وكفاية تضحية راحت لناس ما استاهلتش الجميل ان محدش بيقدر يشوف كل ده غير اللي عايشه ومحدش هيحس بالتفاصيل غير قلب اتلسع كتير لحد ما بطل يخاف من النار وبقى اقوى منها فطلع من كل شيء اكثر هدوءا اكثر
صمتا اكثر نضجا واكثر بعدا عن كل حاجة بتوجع ومهما كان الطريق طويل ومليان لحظات صعبة هيفضل الانسان يعرف في اعماقه ان ربنا بيغيره لحاجة احسن حتى لو الشكل من بره بيقول انه بيتعب او انه بينهار الحقيقة ان الانهيار ساعات بيكون بداية بناء جديد بناء اقوى وانضج وابعد عن كل اللي كسر نفسه قبل كده
وفي آخر كل ده هيلقى الانسان نفسه ما بقاش محتاج يثبت حاجة
لحد ولا محتاج يفهم حد ولا محتاج يشرح ليه اتغير لان اللي يستحق وجوده هيفهم بدون كلام واللي مش شايف مش لازم يشوف مش علشان قسوة لكن علشان العمر ما بقاش مستحمل تضيع تاني
