بقلم: الإعلامية ميرفت شوقي صالح
الهيبة مش بالصوت العالي… ولا بالشدة الزائدة.
الهيبة حضور وثقة وكلمة لما تتقال تُسمع… مش خوفًا لكن احترامًا.
- الهيبة… تنبع من الداخل
الشخص اللي عنده هيبة حقيقية مش محتاج يفرض نفسه
بيكفي نظرته هدوءه وطريقة كلامه علشان الناس تحترمه وتسمع له
لأن الهيبة مرتبطة بالثقة بالنفس والحكمة والعدل في التعامل. - نفاذ الكلمة… لما تكون صادق ومُهاب
الكلمة اللي بتخرج من قلب نظيف وعقل راجح… بتوصل
مش محتاجة صراخ ولا تهديد
لكنها بتفرض وجودها لأنها طالعة من شخص معروف باستقامته وعدله ومصداقيته
فالنَّاس بطبعها بتحترم اللي كلامه قليل لكن فعله واضح. - ازاي تبني هيبتك؟ – خليك صادق دايمًا – اتكلم لما يكون للكلام قيمة – ما تتهزش قدام الضغط وخلي قرارك نابع من مبادئ – واحترم الناس… علشان احترامك يكون له وزن.
الرسالة
جذب الهيبة مش تمثيل… ونفاذ الكلمة مش سلطة
هيبة الشخص تُصنع بالثبات والصدق والعدل
فكن من الناس اللي تُسمع كلمتهم… لأنهم لا يظلمون ولا يتراجعون عن الحق.
