عادل محمود
يلي انت غاوي البكا
ابكي انت وانساني
ربي فوق في السما
عمره ما ينساني
دانا لو جناحي انكسر
حرجع اطير تاني
والليل لوفرد سطوته
عمره مابكاني
ح صاحب فراغ وحدتي
وحنسي مين الجاني
عمال تنوح لية
والدنيا لية قاسية
ازرع غيطان بسمتك
مراكبك هنا راسية
وبدل سنين الشقا
وامسح دموع العين
اصل الدنيا كدا
ماشية ع الحبلين
بص لطير السما
واتعلم قوام منة
عمال يسبح ربنا
ولا شئ هنا همة
الليل لو طالت غربتة
اكسر شبابيك الوجع
واحفر قوام سكتة
وداوي قلب الجدع
اياك تخاف قسوتة
تلاقي السعادة تدوم
راعي يوم زرعتة
طرح المحبة يدوم
