بقلم: الإعلامية ميرفت شوقي صالح
النجاح مش نقرة زر… ولا حلم بيتحقق فجأة!
النجاح رحلة طويلة… فيها تعب ووقوع ودموع وأمل
زي الطفل الصغير اللي بيبدأ يحبى قبل ما يقف ويقف قبل ما يمشي، ويمشي قبل ما يجري.
- النجاح يبدأ بالحَبْو مش بالوثب
الطفل ما بيتولدش بيجري… بياخد وقته
بيتعلّم يوازن نفسه يقع ويقوم يتألم وما يستسلمش
نفس الفكرة في حياتك… لازم تبدأ من تحت تتعب تتعلم تغلط وتقوم
ما تستعجلش القمة… لأن الطريق هو اللي بيبنيك. - كل سقطة خطوة لقدّام
زي الطفل اللي يقع وبيعيط شوية…
بس بيقوم تاني لأن جواه فضول الحياة
انت كمان، لما تقع عيّط لو لازم بس ما تقفش هناك
اتعلم من الوجع… وخد منه درس مش يأس. - النجاح محتاج صبر وإصرار
زي الطفل اللي بيحاول يقف لوحده
مرة ورا التانية… لحد ما رجله تثبت
كده برضه النجاح… بيحتاج جلد وطول بال، وقلب ما يعرفش الاستسلام.
الرسالة:
ما تستصغرش بدايتك…
اللي بيبدأ حبْو ممكن يوصل للجري أسرع من اللي فضل واقف يستنى يتعلم الطيران.
النجاح مش في السرعة… النجاح في الاستمرار.
