الشهيد ابن البلد….محمد صلاح
‏بقلم/محسن رجب جودة
‏يا طالعين السما.. هاتوا لمحمد تاج
‏ابن البلد جدع.. وما عرفش الأعوجاج
‏من عين شمس القوية.. عدّى وكسر الزجاج
‏بندقيته أتكلمت.. والكل سكت وصاج!
‏يا شارع “الهادي سلامة” يا أرض الرجال
‏محمد طلع منك.. بطل وعم الجبال
‏صنايعي ألوميتال وأيده تشيل تقيل
‏بس في وقت الجد.. شال الحِمى ومـال
‏لا كان معاه دكتوراه.. ولا رتبة فوق الكتف
‏بس قلبه كان مدرسة.. في الصبر والزحف!
‏واقف على الحدود.. وعيونه على “فلسطين”
‏شايف ولاد الحرام.. في الأرض سارحين
‏قال يا مصر ماليش في “كامب” ولا في ورق
‏أنا ليا في اللي قاله.. رب العالمين
‏قصّ الشريط بهدوء.. ولبس توب الشهيد
‏وخلا جيش “الاحتلال”.. مرعوب وليه تنهيد!
‏تلاتة راحوا في ثانية.. والتلاتة التانين
‏اتعلموا الأدب.. وبقوا في الخوف عايشين
‏ببندقية قديمة.. بس الإيد قوية
‏هز كيان بحاله.. وخلّى ليلهم طين
‏يا بطل “العوجة” يا “صلاح”.. اسمك فينا حيّ
‏نور الصبح في عينيك.. طفّى سواد الجيّ!
‏راح “العمار” في هدوء.. وجنازة ضيقة
‏بس القلوب في مصر.. كانت بجد مصدقة
‏محمد مش مجرد اسم.. ده فكرة ماشية فينا
‏إن الكرامة بدمنا.. دايمًا محققة
‏يا بطل “عشرين سنة”.. علمتنا الأصول
‏المجد للشهيد.. واللعنة على اللي يقول!