بقلم : سهام محمد راضي
بتخاف ترفض لشخص طلب حتي لو ده هيكون علي حساب نفسها ، الشخصية دي اكتر شخصيه بتظلم نفسها وتفضل دايما جواها صراع داخلي وكتير بتيجى على مصلحتها عشان الناس .

مبتريحش نفسها …..
لانها ببساطة بتزعل و تفضل تكتم جواها لحد ما تقرر انها متتعملش مع حد او لما تفكر تتعامل تقسي أوي علي اللي قدمها و ترجع تندم علي اللي بتعمله لان ده مش من طبعها .

الشخصية الحساسة هي اكتر شخصية تعطى الحب بدون مقابل ،، و اكتر شخصية ممكن تكره الحب ده لو كان سبب في اضعافها

التعامل مع الشخصيات الحساسة ليه ميزه و عيب

ميزه ،، انهم قلبهم طيب وحنين جدا عكس مبيظهروا و بيسامحوا اوقات كتير

عيب ،، بيدققوا في التفاصيل اوي ، عايزين معاملة من اللي قدامهم زي اللي بيعاملوا بيها ، و ده بيسبب لهم مشكلة اكتر لما يتعاملوا مع شخصيات مختلفه عنهم لانهم للاسف مش بيلاقوا المعامله الى مستنينها

كمان بيسامحوا مرة و اثنين و ثلاثة بعد كده لما يقلبوا بيكونوا شخصيات تانية عصبية جدا ، ممكن ده يسبب لهم قلة ثقة بالنفس جواهم و إحيانا في كل اللي حواليهم

الشخصية الحساسة ،، بتكتم جواها و بتحاول تراعي مشاعر غيرها و ده مبيكونش ضعف منها ،، هي بس باقية علي العشره ، إنما لما بتقلب مبتعرفش ترجع زي الاول

نصيحة قدروا وجود الناس دي في حياتكم لان وجودهم سند حقيقي لأنهم اكتر ناس ممكن يهتموا بجد و اكتر ناس لما تزعل بتبعد بجد
حاولوا لو هتتعاملوا مع شخصية حساسة بلاش تتعبوهم لأنهم بيتعبوا لوحدهم بسبب طريقة تفكيرهم .

رفقا