بقلم: الإعلامية ميرفت شوقي صالح
الحزن مش دايمًا دموع باكية ولا صراخ عالي…
فيه حزن بيسكن القلب في صمت
وأسى بيكسر الروح من غير ما يبان على الملامح.
- الحزن… غصة في الروح
تيجي لحظة تحس فيها إن الدنيا وقفت…
مش لأنك ضعيف لكن لأنك تعبت من الصبر
تعبت من الفقد من الخذلان من الانتظار
والكلام اللي مش قادر تطلعه… والناس اللي مش حاسة بيك. - الأسى… وجع ملوش دوا
الأسى مش بس على فقد شخص
ممكن يكون على علاقة انتهت
فرصة ضاعت
حلم اتكسر،
أو حتى إحساسك إنك لوحدك في وقت كنت محتاج فيه حد. - لكن الحزن مش نهاية
الحزن رغم قسوته… بيطهّر
بيعلّمك تعرف قيمتك
وبيفتح لك باب جديد للحكمة والرضا
وبيخليك أقوى حتى وانت مكسور.
الرسالة:
لو أنت حزين… متخجلش
ربنا شايف وقلوب الناس يمكن تنساك،
لكن رب العالمين ما بينساش
امسح دمعتك وخد نفس عميق
وقول: يا رب جبّار القلوب… اجبر قلبي.
الحزن مش ضعف… الحزن إنسانية
وكل أسى بيعدي… وراه نور ورضا.
