البصر والبصيرة دروس من الحياة
قلم الكاتب الإعلامي ياسر زينهم

تعلمت من الحياة إن البصر مش كافي لمعرفة الحقيقة فيه فرق كبير بين البصر والبصيرة
البصر هو اللي بنشوفه بعنينا لكن البصيرة هي اللي بنراها بقلوبنا
ربنا قال في القرآن فإنها لا تعمى الأبصار ولكن تعمى القلوب التي في الصدور
الحج 46
يعني القلب هو اللي بيشوف الحقيقة والعينين بيشوفوا الظاهر بس

قصص الأنبياء علمتنا كتير عن البصيرة قصه سيدنا موسى وسيدنا الخضر علمتنا إن الصبر هو مفتاح التعلم والاستفادة الصبر بيخليك تتعلم وبتدرك إن اللي شايفه بعينيك ممكن يكون عكس اللي هو أفضل عند الله
قال رسول الله صلى الله عليه وسلم
ليت أخي موسى صبر حتى نتعلم ممن علمه الله
رواه البخاري

علمتنا الحياة كمان إن مش كل اللي بيأكلوا معاك بيصونوا اللقمة والعيش والملح ومش كل اللي بيحلف بالقسم الالهي بيكون صادق معاك
واللي بتشوفه بعينيك مش بالضرورة يكون الحقيقة أحيانًا القلب أو البصر بيخدعوك.
لكن لو ربنا أراد لك خير يرزقك بالبصيرة

النبي صلى الله عليه وسلم قال
إن الله إذا أراد بعبد خيرًا عجل له العقوبة في الدنيا
رواه الترمذي
يعني لو ربنا بيحبك هيختبرك بالصبر عشان يرفعك

في النهاية خلينا نتعلم إن البصيرة هي نعمة من الله
وهي اللي بتشوف الحقيقة
فلا نترك البصر يخدعنا بل نسمع لقلوبنا وروحنا ونصبر على التعلم والاستفادة لأن اللي عند الله هو الأفضل