الاسم منشاوي واللهجه صعيدي
بقلم مصطفى خميس اسوان
والوصف قمحاوي والحب طريقي
والشوق جوايا مكتوب لحبيبي
والحب ماليني من شعري لوريدي
والعمر بيعدي والجرح رفيقي
عايش بأحلامي اتمنى رؤياها
مشتاق لنظرة عين تحكي الي جواها
ياساهرين الليل انا فكري طار مني
حنوا علي ياناس والنني بيغني
ياناظرين للنور كم نجمة في سماكم
ووصلتوا للمحبوب ولا النور عداكم
وياليل يا غدار قولي الطريق سالك
ولا الطريق مشغول كله الي مهالك
وازاي و منين وكيف الشوفة لحبيبي
قالوا علي شباب والشعر مني شاب
وانا منتظر مرة تفتح لي الابواب
و اقولها طالب الوصل من الاحباب
واقسم لها بالله حني علي الملهوف
حني علي العاشق حني علي اللي داب
انا دمعتي زادت لما قالولي بعيد
لا قربها راحة ولا بعدها ببعيد
وازاي اطولها ياناس والعقل تاه مني
ياواصفين الناس كيف توصفوا المحبوب
كيف تسمعوا لكلام ساحر بلا مسحور
كيف تنظروا ليها وانا روحي نور علي نور
وانا جسمي حاميها وانا عقلي فيها تاه
وسلامي للغالية وسلامي للغاليين
وسلامي للدمعة الا بقالها سنين
وازاي ياناس قلبي يفضل سنين ملهوف
عدت ساعات وساعات صبري نفذ مني
قلت الحبيب راجع قالوا الامل موجود
العشق والراحة للي سكن في العين
