وما خفي من القدرة أعظم
بقلم/نشأت البسيوني
في زمن بيمشي فيه الناس فوق قلوب غيرهم كأنها حجر وفي دنيا بتعرف تاخد اكتر ما بتعرف تدي كانت في انسانه ماشية عكس السرب مش لأنها بتحب العناد لكن لأنها اتولدت كده اتولدت وحدها قدام الدنيا من غير سند ولا كتف تتكئ عليه ومع كل مطبه كانت الدنيا بتفتكر إنها هزمتها وكل ما تهوي عليها بالضربات كانت هي بتسكت وتشد نفسها وتقول جواها كلمة واحدة مش هقع مش
هتكسر مش هتهزموني مهما حصل كانت بتمشي بخطوات ثقيله وفي قلبها وجع تقيل بس مفيش حد شايف ولا حد سائل ولا حد حتى قرب منها وسألها مالك يمكن لأنها كانت بتخبي دموعها زي ما بتخبي جروحها يمكن لأنها كانت أقوى مما حد يتوقع ويمكن لأن ربنا كان شايفها وده كفاية هي مش واحده بتهرب من المواجع ولا واحده مكسوره وبتستنجد هي مشالحكاية اللي الناس بتحب
تسمعها ولا المشهد اللي الناس تتعاطف معاه هي كانت واكفه زي جبل ما يعرفش يتزحزح كانت بتتحدى كل شيء والأيام كانت بتتفرج عليها ومش فاهمه ازاي انسانه اتسحبت منها الضحكه والراحة والأمان ولسه بتتنفس ولسه بتقوم ولسه بتقول انا هنا
كانت ليها حرب مع الدنيا من زمان حرب من غير سلاح حرب فيها هي الضحية وهي القائد وهي الجندي وهي الشاهد ومع كل يوم
جديد كان بيجي عليها بليل اطول من اللي قبله كانت بتقعد مع نفسها وتقول هو انا اتخلقت ليه غير اني اكون اقوى ما انا فاكره هو انا اتخلقت ليه غير اني اشيل اللي محدش يقدر يشيله هو انا اتخلقت ليه غير اني اوقف في مكان ما حدش عرف يقف فيه وتضحك ضحكه باهته وتكمل يومها كأنها ما قالتش حاجه
لما الناس ظلموها هي ما اتكسرتش لما الايام قست عليها هي ما
ضعفتش لما راحت منها حاجات كتير كانت غاليه عليها هي ما انهارتش كانت بتسأل نفسها كتير هو انا ليه مش زي باقي البشر ليه قلبي واسع للدرجه دي ليه ما بعرفش اكره ليه بقدر اسامح اللي ما يستاهلش وليه لما ييجي الدور علي محدش يعرف يرحمني ولا يوقف في صفي لكن رغم كل ده كانت بتقوم وبتشد نفسها وبتكمل لأنها ببساطه من النوع اللي اتخلق عشان يتألم ويتحمل ويتعلم
ويقف لوحده من غير ما يحتاج ايد حد هي مش قويه لأنها عايزه تكون قويه لا هي قويه لأنها اضطرت تبقى كده ومفيش اختيار تاني قدامها هي قويه لأنها شافت حاجات ممكن توقع جبال وشالتها وصمتت هي قويه لأنها شافت الطعنات والخيانات والاوجاع وسكتت وابتسمت ووقفت وكملت ولما سألت نفسها في يوم طب لحد امتى قالت بصوت مكسور بس ثابت لحد ما الدنيا
تفهم اني مش لعبه لحد ما الناس تفهم اني مش ضعيفه لحد ما الزمن يعترف اني مش شبح بيعدي من غير اثر انا واقع انا قصه انا وجع انا قوه من غير صريخ انا حد علمني ربنا معنى الصبر ومعنى الصمود ومعنى ان اللي اتخلق واقف مش ممكن يوقعه بشر
هي النهارده مش مجرد انسانه هي درس صعب هي علامة في الطريق هي حاجه تقيله ما تتنسيش هي صوت بيقول لكل حاجه
وجعتني انا يمكن اتأذيت لكن ما اتهزمتش يمكن اتكسرت من جوه لكن لسه واقفه يمكن اتظلمت بس ربنا شايف ويمكن بعيط بالليل لكن الصبح بطلع قدام الدنيا كأني جبل متشقق من جوا بس واقف
هي ببساطه انسانه اتخلقت عشان تبقى اكبر من الالم اقوى من القهر ابقى من كل اللي حاول يكسرها هي انسانه اتولدت عشان تثبت ان اللي ربنا شايله لك اكبر من اللي الدنيا بتاخده منك وان
القدره اللي جواك اكبر من الظلم اللي بره وان الصبر اللي في قلبك اعمق من كل الجروح اللي هزتك هي مش انسانه عاديه هي معركه ماشية على رجلين وهي نصر اتولد من الخساره وهي قوه معموله من وجع صامت وهي دليل حي ان اللي يعدي من النار ما يخافش من الشرر
