خواطر : عواطف عفيفي
مش جراءه ولا بجاحه
ولا قله حياء بصراحه
لكن مش عيب اني اقولك
وافهم قلبك وادلك
طلبات قلبي قليله
بس حنان واهتمام
يعني مش هتخسر حاجه
ايوا لغه العيون جميله
والطبطبه بردو مطلوبه
بس محدش قلك
ان الرجل بيحب بنظراته
وشوق الست في ودنها
اديني اهو بقولك
صبحني ومسيني كلام
فطرني وغديني وعشيني كلام
فكرني كل دقيقه
ان حبك ده حقيقه
وان اهتمامك شوق
ولهفتك وحنانك حياه
ولقلبي كلامك دواء
وتعال نعمل اتفاق
كل ماتقولي بحبك
هقولك انت ملاكي
ولو قلتلي وحشتيني
هدعيلك براحة البال
عارفه مش هنبقي متعدلين
علشان مش هشبع من الكلام
وهسيبك تقول وتعيد
وهتهرب من الرد عليك
علشان تعيد كمان
شفت مش طالبه كتير
غير انك بس تزود
شويه الاهتمام
واقولك حاجه كمان
دي طلبات كل الستات
مهما درسو من العلام
كلنا طالبين الاهتمام
وكده يبقي الحب في امان
