عادل محمود

أغنية ليه خلتني أحبك للفنانة ليلى مراد رفضتها الإذاعة المصرية لإنها اعتبرت موضوعها غير لائق ومنافي للآداب خصوصا المقطع اللي بتقول فيه
ليه خليتنى أحبك..لا تلومنى ولا أعاتبك.. فين أهرب من ذنبك.. روح منك لله
واعتبر المسؤولين إن المقطع دليل على إن الحبيب ارتكب ذنب خطير (اعتدى عليها) وده دليل إنه كان فاسق وبالتالي الأغنية لا تصلح.
رغم كدة كتير من الأدباء شافوا إن الاغنية معانيها جميلة وراقية ومحدش منهم حس إنها منافية للآداب.
المسؤولين طلبوا تغيير كلمة ذنبك وغنائها مرة تانية لكن ليلى مراد رفضت فقامت نجاة الصغيرة بغناء الأغنية مع تغيير فين تهرب من ذنبك إلى فين تهرب من حبك.
ولكن بعد سنين بقت الإذاعة تسمح بالأغنية بصوت ليلى مراد.
الأغنية كتبها مأمون الشناوي ولحنها كمال الطويل وكانت من أغاني فيلم الحبيب المجهول عام 1955

ولكن ده دليل إن كان في رقابة على كلمات الأغاني حفاظا على الذوق العام أما النهاردة فحدث ولا حرج