قلم ياسر زينهم
فيفا داخل كاس العالم الجديد بمشرط جراح
الهدف مش تغيير وخلاص الهدف اخلصونا من تضييع الوقت والمسرحيات وخلوا الكورة تجري
دي القوانين اللي هتقلب شكل الماتش
1 رمية التماس بسرعة البرق
زمان اللاعب يلم الكورة يمسحها يبص للجمهور يظبط الشارة وبعدين يرمي خلاص بح
القانون الجديد 8 ثواني بس من لحظة خروج الكورة
ما رميتش؟
الرمية تروح للخصم
مفيش تبريد أعصاب ومفيش مدرب يرسم على السبورة من على الخط
2 حارس المرمى يا تلعب يا تدي كورنر
نفس السيناريو مع الحارس
بعد ما يمسك الكورة قدامه 8 ثواني يلعبها بإيده أو برجله
اتأخر؟
مش إنذار وخلاص دي ضربة ركنية على فريقك
فيفا زهقت من تمثيلية “بربط الشراب” بعد كل كرة
3 اللي يسيب الملعب غضبان يتفضل بره
رميت الشارة شوطت إزازة سبت الملعب معترض على التغيير؟
الحكم ليه حق يطردك حتى لو رجلك بره الخط
الرسالة واضحة الملعب ليه احترامه زعلان؟
غرفة اللبس موجودة
4 ممنوع تحط إيدك على بقك وانت بتتكلم*
حركة نلم بعض ونغطي بوقنا عشان الخطة سرية اتلغت
القانون الجديد بيمنع تغطية الفم أثناء الكلام مع زمايلك
يا تتكلم عادي يا تسكت
الكورة مش مصارعة ومفيش كلام في الودن
5 التغيير يا تكمل ناقص يا تستنى
لو لاعب خارج بيتغيير واتأخر أو رفض يخرج واللاعب التاني دخل فريقك هيلعب ناقص لحد ما الحكم يسمح بالتبديل
مفيش 12 لاعب ثانية ومفيش مماطلة عشان تسرق 30 ثانية
6 التسلل بالذكاء الاصطناعي مفيش مجاملة ولا جدال
ودي النقلة الكبيرة
التسلل شبه الآلي SAOT شغال رسمي في كاس العالم
كاميرات في سقف الاستاد بتتبع 29 نقطة في جسم كل لاعب 50 مرة في الثانية
الـ AI بيحدد لحظة لعب الكرة ومكان الكتف والركبة والصوباع
النتيجة قرار في 25 ثانية وخط 3D بيطلع للجمهور
مفيش خطوط تترسم يدوي ومفيش لقطة تتفسر بمزاج
الخلاصة في كبسولة
فيفا بتلعب على 3 محاور سرّع اللعب عاقب المماطلة وشيل العامل البشري من الجدل
لو القوانين دي اتطبقت صح هنشوف 90 دقيقة كورة حقيقية مش 60 دقيقة لعب و30 دقيقة تضييع وخناق مع الـ VAR
كاس العالم الجاي مش هيبقى اختبار منتخبات بس هيبقى اختبار لقوانين جديدة واللي هيتأقلم أسرع هو اللي هيكسب
