بقلم/نشأت البسيوني

في لحظة غريبة من حياتك تحس إنك ماشي في الدنيا بظل مالوش شكل ولا حد بيشوفه غيرك ظل بيجري وراك في كل خطوة وبيفكرك إن في حاجات جواك اتدفنت من غير ما تعمل لها عزاء وإن في حكايات ما اتقالتش اتعلقت في روحك زي سحابة تقيلة مش راضية تمطر ولا تختفي وتبدأ تلاحظ إنك بتبتسم قدام الناس بس جواك في حاجة بتنزف وإنك بتتكلم عادي لكن في كلمة

محبوسة في صدرك بقالها سنين وإنك بتنام وتقوم وتعدي اليوم كأنه طبيعي لكن الحقيقة إن روحك من جوه عايشة حياة غير اللي ظاهر للكل حياة محدش يعرف عنها حاجة ولا حد حاول يفهمها

الظل ده مش ضعف ومش خوف ومش هروب ده الجزء اللي اتشكل من كل صدمة فاتتك وكل غدر استقبلته وكل كلمة وجعتك وسكتت عليها وكل مرة قلت فيها معلش وكل مرة اتكسرت فيها وما قلتش

لحد وكل يوم عديت فيه وكأنك كامل وانت كان ناقصك حضن وراحة وحد يسمعك من غير ما يحكم عليك ومع الوقت تكتشف إنك اتغيرت من غير ما تاخد بالك بقى عندك صمت أعمق من الكلام وبقى عندك نظرة بتشوف اللي قدامك قبل ما يتكلم وبقى عندك إحساس سريع بالوجع من كتر ما اتجربت وبقى عندك قوة هادية محدش يعرف سرها غيرك وتبدأ تدرك إنك مش محتاج تثبت لحد

إنك كويس ولا إنك قوي ولا إنك قادر تكمل لأن الظل اللي ما حدش شايفه ده شاهد على كل اللي عديت بيه شاهد على الأيام اللي كانوا فيها الناس حواليك وانت كنت لوحدك وشاهد على اللي انكسر فيك واللي اتبنى فيك واللي ضاع واللي اتولد من جديد وفي وسط كل ده تكتشف إنك رغم التعب قادر تقف رغم الخسارة قادر تبني رغم الجرح قادر تحب رغم الخيانة قادر تأمن رغم الهزة قادر تمشي رغم

الطريق اللي كسر خطواتك قبل كده وإنك مش زي أي حد وإنك مش نسخة مكررة من وجع حد تاني وانك مش محتاج مقارنة لأن الحكاية اللي جواك فريدة مش شبه حد ولا حد يقدر يقلدها ولا يكررها ولا يفهم عمقها غيرك انت ولما تيجي لحظة معينة وتحس إنك خلاص قربت تطيح تلاقي النفس اللي جواك بيرجع يقولك انت اتولدت من جديد كذا مرة من غير ما حد يحس وانت وقفت على

رجلك بعد ما اتشديت للأرض وانت عديت من طرق محدش تجرأ يبص عليها وانت جبرت قلبك بإيدك وانت زرعت قوتك بنفسك وانت صنعت اسمك من تعبك وقتها هتفهم إن الظل ده ما كانش عبء ولا نقطة ضعف ده كان الجزء اللي شايلك من غير ما تعرف واللي حافظ عليك لما الناس ما حفظوش عليك واللي وقف جنبك لما ما كانش فيه حد واللي فاكر تفاصيل عمرك كلها حتى اللي انت