حين يصبح القلب ابعد من كل الطرق
بقلم/نشأت البسيوني
حين يصبح القلب ابعد من كل الطرق حين يوصل الانسان لمرحله يحس فيها ان قلبه ما عادش قريب من حاجه وانه واقف في منتصف طريق مفيهوش نهايه ولا بدايه وانه شايل جواه احمال تقيله اوي احمال لو الجبال شالتها كانت اتكسرت بس هو بيشيلها ساكت وعايش وبيتنفس وبيضحك في وش العالم رغم ان جواه بلاد كامله بتنهار الوجع عمره ما كان صوت عالي الوجع الحقيقي
بييجي في صمت الوجع الحقيقي بيكون في العين اللي بتلمع من غير دمعه في الضهر اللي واقف من غير قوه في القلب اللي بيتهد من غير ما حد يحس به الوجع ده هو اللي ياكل الروح حته حته ويخلي الانسان يقف قدام نفسه ويسال هو انا لسه قادر اكمل ولا خلاص الطريق خد روحي قبلي في ناس بتتولد بقلب هش وناس بتتولد بقلب صلب وناس بتتولد بقلب عارف يعيش وسط
العواصف بس في نوع رابع اخطر نوع قلبه حساس زي نسمة الهوا بس شايل هموم اكبر من العمر كله قلب بيتعامل مع الحياه كأنها حرب وهو دايما الخسران فيها ورغم كده مش بيهرب ولا بيستسلم ولا بيقول انا تعبت هو بس يكتم ويرضى ويسكت لحد ما يتعود اصعب حاجه مش ان الوجع يزيد اصعب حاجه انك تعيش معاه لحد ما يبقى جزء منك لحد ما يبقى زي النفس يدخل ويخرج وانت
خلاص ما بقاش عندك طاقه تزقه براك ولا تمنعه يدخل جواك تفضل سايبه يعشش ويسكن ويتحرك زي ما هو عايز لحد ما يسيطر عليك من غير ما تعترض بس رغم ده كله يفضل جوا الانسان حته صغيره لسه بتقاوم لسه بتقول يمكن بكره احسن يمكن الدنيا هتهدى يمكن القلب يلاقي صدر دافئ يستخبى فيه يمكن الكلام اللي اتبلع يرجع يتقال ويمكن الروح تلاقي حد يفهمها من
غير ما تحلف له انها موجوعه والحته الصغيره دي هي اللي مخليه الانسان واقف هي اللي مخليه يكمل هي اللي مخليه عايش وسط الخراب اللي جواه ومصدق ان لسه فيه لحظه ممكن تغير مصيره وفي اخر الطريق يفضل الانسان محتار بين قلبه اللي موجوع وروحه اللي تعبت وعيونه اللي شبعت بكاء صامت وظهره اللي شال فوق طاقته بس مع كل ده يفضل ماشي يمكن عشان اتعود
يمكن عشان مفيش اختيار تاني يمكن عشان الامل عايش جواه رغم كل حاجه وفي اللحظه اللي يعدي فيها العمر كله قدام عينه يعرف انه كان قوي رغم ضعفه وكان ثابت رغم انهياره وكان عايش رغم انه مات جواه الف مره بس كمل ودي اعظم حاجه الانسان ممكن يعملها انه يكمل وكل يوم بيعدي والريح بتضربه والمطر بيبلله والطرق وراسه مليانه حجر ووجعه بيكبر والناس حوالينه مستمرين
في حياتهم وهو واقف ساكت بيتألم بس مش بيظهر لحد شيء وكل مره يحاول يرفع راسه يلاقي فجر جديد لكن برضه ضوءه ضعيف وكل كلمه حلوه بتجيليه بتختفي بين صخب العالم والوجع اللي في قلبه لانه اتعود يعيش وسط صمت الجرح وسط صرخات داخليه ما حدش سامعها وسط حنين مش لاقي له مكان وسط قلوب غريبه لا تعرف كيف تحب وكيف تفهم وكيف تحمي وسط
ضياع الناس وسط اخطاء البشر والخيانات كل ده بيكبره كل ده بيعلمه لكنه مش بيستسلم لسه فيه حته نور صغيره جوه قلبه بتحركه تمشيه تخليه يكمل تقاوم تمنحه امكانية انه يعيش رغم ان كل شي حواليه بيحاول يكسره لسه بيتنفس لسه بيحاول لسه قلبه يرفض الاستسلام وبيحاول يلاقي حبه لنفسه وسط الالم وبيفهم ان كل صدمة وكل جرح وكل خيانة كان لازم تتعلم منها وتخليه
اقوى كل لحظة تعب كل لحظة ضعف كل لحظة سقط فيها هي بدايه جديده رغم صعوبة الحياة رغم صمت الالم رغم ان الناس مش فاهمه مش شايفه هو مازال واقف رغم كل ده مازال موجود رغم كل اللي اتألم منه مازال بيقاوم رغم ان قلبه تعبت روحه عانت هو لسه بيحاول يلم نفسه يوقف من جديد يعرف ان الضعف مش عيب الدموع مش سقوط التعب مش فشل رغم كل ده هو انسان
بيحاول يعيش هو انسان قاوم وجع الجبال ووصل لمستوى انه يعرف قيمه نفسه يعرف انه قادر على استمرار رغم كل شي يعرف ان النور جوه قلبه مهما كان ضعيف مش هيطفي طول ما هو مؤمن بنفسه طول ما عنده حته امل طول ما عنده رغبه في الحياه انه يكمل رغم كل الحواجز رغم كل الانكسارات رغم كل الخيانات رغم كل صعوبة الطريق يعرف ان النهاية اللي محتاجها مش نهايه
سعيده بقدر ما هي نهايه صادقه مع نفسه يبص لنفسه ويقول انا نجيت انا اتغيرت انا كملت انا وقفت انا عديت وربنا كان معايا وده يكفي انه يكمل ويعيش ويقاوم ويستمر ويعرف انه مهما العالم حاول يحطله قيود او يحاول يقصيه او يحاول يجرحه هو لسه انسان حي قادر يقاوم قادر يكمل قادر يعيش واللي بييجي من بعده يوم وليل وامل ونور هيفتحله طرق جديده رغم كل اللي فات
