في الأمثال
بقلمي محمد عنانى
قالوها في الأمثال
مِن فات قديمه تاه
واللي وقع وانكسر
ما ينعدله حال
واللي ما يرضا بنصيبه
ما ينوبه غير الآه
دا كل شىء مكتوب
واللي رِضي ياهناه
أما اللي عاش بالطمع
لومال قارون وياه
ما غير تراب والحصا
يكفوا الجشع جُوَاَه
ولا حتى يوم يِرضَا
ودا عُمره مهما طال
لازم يسيب دنياه
ولكل ما كان جمع
حتما يسيبه وراه
واللي حياخده العمل
يفضل رفيقه معاه
وعليه يكون الحساب
من ربه يلقا جزاه
